#COAGconta: Modificacións no procedemento para a Certificación da Eficiencia Enerxética de Edificios
O mércores 25 de marzo ás 12:00 horas, Juan Manuel Ferreiro Oliva e Rafael Fernández Vale, arquitectos do servizo de asesoramento en materia de aforro de enerxía e rehabilitación enerxética do COAG, farán un repaso polas modificacións no procedemento para a...
Instituto Galego da Vivenda e Solo. Programa de axudas de rehabilitación de vivendas no rural
No DOG de 13 de xaneiro de 2026, publícase a RESOLUCIÓN do 22 de decembro de 2025 pola que se establecen as bases reguladoras aplicables á concesión das subvencións do programa de axudas de rehabilitación de vivendas no rural e se procede a súa convocatoria para o ano...
Axudas para actuacións de corrección de impactos paisaxísticos en edificacións privadas
RESOLUCIÓN do 30 de outubro de 2025 pola que se aproban as bases reguladoras para a concesión, en réxime de concorrencia non competitiva, das axudas para actuacións de corrección de impactos paisaxísticos destinadas a persoas físicas, xestionadas por este instituto, e...
Fallo do Premio “Arquitectura para un mundo mellor 2025”
Reunido o xurado do Premio Arquitectura para un Mundo Mellor 2025, formado polos colexiados e colexiadas do COAG, Manuel Martinez Carazo, Elvira Carregado Pazos, Natalia Alvaredo López , Jennifer Núñez Fernández e Xosé Manuel Casabella López, todos con voto, e actuando como secretaria do mesmo, con voz pero sen voto, María Luisa Pierres López, deciden o seguinte:
Poñer en valor, otorgando o Premio Arquitectura para un Mundo Mellor 2025, as figuras de o Dr. Enxeñeiro Agrónomo Catedrático da Universidade de Santiago de Compostela, D. Manuel Guaita así como ó Dr. Enxeñeiro de Montes D. Manuel Touza, en función do seu intenso labor docente, divulgativo e investigador en relación coa tecnoloxía e construción en madeira durante os últimos 25 anos en Galicia. read more…
![Aplicación obrigatoria das modificacións no DBSI 2025 [10 de novembro]](https://portal.coag.es/wp-content/uploads/2025/11/Aplicacion-obligatoria-de-las-modificaciones-en-el-DBSI-2025-10-de-noviembre-gal-1.jpg)
Aplicación obrigatoria das modificacións no DBSI 2025 [10 de novembro]
O 10 de novembro finalizou o período transitorio na aplicación do Documento Básico de Seguridade en caso de Incendio (DB-SI), polo que os proxectos que soliciten licenza a partir desta data, deberán adecuarse ás modificacións introducidas neste Documento Básico polo RD 164/2025, do 4 de marzo.
Entre outras importantes modificacións, esta nova versión introduce cambios significativos nos usos considerados e na definición de “saída de planta” das versións anteriores do DB-SE. Así:
- Introduce o “uso almacén” no SI, para edificios, establecementos ou zonas destinadas principalmente a almacenamento e rochos non vinculados a vivendas (ver definición)
- O arranque dunha escaleira aberta deixa de ter a consideración de “saída de planta”. Por tanto, se a evacuación non se realiza a través dunha escaleira protexida ou compartimentada, debe computarse a lonxitude do percorrido de evacuación desde a orixe ata a saída do edificio.
Calendario:
- Licenzas solicitadas entre o 10 de maio e o 10 de novembro: Poden cumprir o DBSI anterior, sempre que as obras iníciense no prazo indicado na licenza, ou en 9 meses.
- Licenzas solicitadas a partir do 10 de novembro de 2025: Deben cumprir o DBSI 2025 (RD 164/2025).
Análise de resultados da enquisa de preferencias para a formación do 2026
Hai unhas semanas pedímosvos que contestásedes a unha breve enquisa co obxectivo de coñecer as vosas preferencias e principais demandas formativas para, a partires delas, establecer a programación e contidos do plan de formación para o ano 2026.
Nesta enquisa participastes un total de 270 colexiados. Queremos dar as grazas aos que fixestes un oco na vosa axenda para trasladarnos as vosas valoracións e suxestións, e animar aos que non o fixeron para que non dubidedes en participar nas actividades de formación e en facernos chegar as vosas propostas, xa que son unha gran axuda para mellorar o enfoque e a organización das actividades formativas que programamos.
Poñemos así a vosa disposición o análise dos resultados da enquisa de intereses formativos para 2026, elaborada a partir das respostas dos 270 colexiados que a cubriron.
Próximamente publicaremos o Plan de formación 2026, onde se amosarán as accións formativas propostas a desenvolver para os primeiros meses do 2026.
Actualización de Utilidades COAG. Regulamento de seguridade contra incendios nos establecementos industriais
Están dispoñibles, para todos aqueles colexiados con alta neste servizo, as memorias para xustificar o cumprimento do Real Decreto 164/2025, do 4 de marzo, polo que se aproba o Regulamento de seguridade contra incendios nos establecementos industriais. Descarga.
Construir con Pizarra. Carlos Quintáns Eiras. Presentación da publicación “Pizarra”.
O vindeiro martes, día 18 de novembro, ás 12:00h, terá lugar a xornada “Construír con Pizarra”, a cargo de Carlos Quintáns Eiras. Nela, o arquitecto presentará a nova publicación “Pizarra”, editada polo Clúster da Pizarra de Galicia coa colaboración da Xunta de Galicia.
Quintáns explicará o proceso de elaboración do libro, que reúne textos e fotografías de destacados autores para amosar a relevancia histórica, técnica e contemporánea da lousa galega, un material esencial na arquitectura pola súa durabilidade, versatilidade e valor cultural.
A presentación ofrecerá unha mirada actual sobre o uso da pizarra en cubertas e fachadas, así como exemplos recentes de arquitectura nacional e internacional que incorporan este material.
Para seguila xornada online en directo, podedes facelo a través desta ligazón [inscripción gratuita].
Comunicación do COAG sobre a “Casa Benedicto”
A Xunta de Goberno do Colexio Oficial de Arquitectos de Galicia, na súa sesión 21/2025 de 16 de outubro acordou actualizar a súa posición con respecto á conservación da “Casa Benedicto” no Concello de Navia de Suarna, a través dun escrito enviado a diversas administracións (Asociación Cultural Patrimonio Naviego, á Deputación de Lugo, ao Concello de Navia de Suarna e á Dirección xeral de Patrimonio Cultural) en coherencia co acordo xa adoptado na sesión 10/2017 celebrada o 28 de setembro de 2017 en Santiago de Compostela. read more…
Mapa de potencial de radón
Estimados compañeiros, para unha reunión que o CSCAE ten prevista co Consello de Seguridade Nuclear (CSN) o próximo 18 de decembro, está a recompilarse información, incidencias e observacións xerais relacionadas coa aplicación práctica da normativa sobre radon en proxectos e obras.
En concreto, solicítannos datos sobre posibles discrepancias na clasificación de municipios no Mapa de potencial de radon elaborado polo CSN, que constitúe a base do Apéndice B do Documento Básico HS6 do Código Técnico da Edificación (CTE).
Nese sentido, se detectaches que algún municipio do teu ámbito territorial puidese estar clasificado de forma incorrecta, agradeceríache que nolo fixésedes saber, da forma máis documentada posible, a través do panel de consultas, no apartado de edificación, co título Radon CSN.
Para enviar informar, pica aquí
VERI*FACTU aplicación gratuita de facturación de la AEAT
La AEAT pone a disposición de los contribuyentes una aplicación gratuita de facturación, accesible desde la Sede de la AEAT. Este formulario permite a los contribuyentes generar facturas electrónicas y enviar los registros de facturación directamente a la AEAT, cumpliendo con el reglamento de VERI*FACTU, aprobado por el Real Decreto 1007/2023, de 5 de diciembre, que regula los requisitos de los Sistemas Informáticos de Facturación. read more…
Concurso para a construción do novo “Parque Deportivo Inclusivo Porto do Molle” no concello de Nigrán (Pontevedra)
O Concello de Nigrán pon en marcha un concurso de proxectos en dúas fases, con xurado que se desenvolverá en dúas fases (ideas e anteproxectos), para a construción do Parque Deportivo inclusivo de Porto do Molle. O Concello de Nigrán considerou axeitada a colaboración do Colexio Oficial de Arquitectos de Galicia dada a súa representación da profesión do Arquitecto na comunidade galega, sendo o obxecto do concurso un ámbito de competencia da devandita profesión.
Obxecto e localización do concurso
O concurso ten por obxecto seleccionar a proposta arquitectónica máis idónea para o deseño e construción do Parque Deportivo Inclusivo no centro comercial Porto do Molle, situado no concello de Nigrán (Pontevedra). O parque incluirá os seguintes elementos:
- Manteñer, completar e integrar a actual pista de atletismo en construción;
- O deseño e construción dunha nova pista protexida da chuvia regulamentaria con un graderío cunha capacidade mínima para 250 espectadores sentados;
- A integración da pista de skate existente no deseño do parque;
- A posibilidade de incluír pistas deportivas e de lecer adicionais na parcela e;
- A disposición de aparcadoiro dentro da parcela.
O deseño do parque realizarase baixo criterios de accesibilidade universal, de acordo coa lexislación vixente e os estudos pertinentes, segundo as especificacións técnicas destas bases (bases técnicas).
O concurso consta de dúas fases:
- Unha primeira fase, pública, aberta, anónima a nivel de idea -de forma sinxela e inicial-, na que se seleccionarán 5 propostas, cuxos autores serán invitados a participar na segunda fase para desenvolver a súa idea proposta a nivel de anteproxecto.
- Unha segunda fase, na que, de entre as CINCO propostas desenvolvidas a nivel de anteproxecto -en desenvolvemento da súa idea inicial-, elixirase a proposta adxudicataria, cuxo autor será adxudicatario do contrato de servizos de redacción do proxecto e dirección de obra, da actuación descrita nestas bases, polo importe dos honorarios de 206.264,31 € máis o IVE correspondente tomando como referencia os cadros establecidos no BOE do 27 de maio de 2015 relativos á Resolución do 11 de maio de 2015, sobre honorarios de redacción do proxecto e dirección técnica da Sociedade Estatal de Xestión Inmobiliaria de Patrimonio, SA, dependente do Ministerio de Facenda e Administracións Públicas, entregando, en primeiro premio, 12.100 € en concepto de taxas de entrega (IVE incluído) do contrato.
Os CATRO restantes recibirán premios baremados en diferentes contías, por un importe total de 17.500,00 € (IVE incluído), do seguinte xeito:
Segundo premio: 7.500,00 € (IVE incluído)
Terceiro premio: 5.000,00 € (IVE incluído)
Primeiro accésit: 2.500,00 € (IVE incluído)
Segundo accésit: 2.500,00 € (IVE incluído)
Casos de éxito de arquitectura sostible
Dende o Colexio de Arquitectos poñemos ao alcance da sociedade galega algúns dos mellores exemplos de arquitectura e urbanismo sostible, onde os arquitectos, ademáis de proxectar con calidade, obtiveron bos resultados na mellora da eficiencia enerxética e outros aspectos da sustentabilidade, como poden ser a súa integración ambiental, o uso de materiais naturais ou reciclaxes, enerxías renovables, circularidade, iluminación natural, calidade do aire, certificados de construción sostible, etc. Todo iso encamiñado a lograr o confort e benestar dos usuarios, o que redundará nunha mellora da calidade de vida e a saúde de todos nós.
Para acceder ás gravacións pique aquí
Acta co fallo da 1ª fase do Concurso de proxecto do edificio das entidades sociais do concello de Carballo e a súa comarca
Con data 29 de setembro, publicouse na Plataforma de Contratación del Sector Público a Invitacion para participar na 2ª Fase aos 4 candidatos seleccionados que se transcribe a continuación, logo da ACTA DO XURADO: SEGUNDA SESIÓN DE VALORACIÓN DO CONCURSO, publicada o día 26 de setembro. read more…
Curso “Proxectar con sistemas prefabricados en madeira: entramado lixeiro e CLT
Búscase que con este curso o alumno aprenda a desenvolver proxectos de arquitectura con entramado lixeiro de madeira e CLT. Coñecerá a lóxica estrutural de ambos os sistemas construtivos para poder desenvolver proxectos de edificacións optimizadas onde arquitectura e estrutura vaian da man. Descubrirá as técnicas, detalles e materiais adecuados para proxectar edificios eficientes, duradeiros e sostibles.
O curso completarase con dúas visitas de carácter voluntario, que servirán para comprobar de primeira man as posibilidades destes sistemas construtivos. Estas visitas serán gravadas e postas ao dispor dos alumnos na plataforma.
Este curso está organizado no marco do acordo de colaboración suscrito polo Colexio Oficial de Arquitectos de Galicia (COAG) e a Axencia Galega da Industria Forestal (XERA) para promover o coñecemento en materia de construción e rehabilitación con madeira e a divulgación de obras exemplares.
Prezos de matrícula
O curso conta coa financiación de XERA, polo que os prezos de matrícula para colexiados son especialmente reducidos. O aforo é limitado.
- Matrícula ordinaria: 100 euros
- Arquitectos colexiados: 50 euros
- Arquitectos colexiados subscritos ao servizo de formación: 35 euros
Metodoloxía
- Flexibilidade para o alumno.
- Enfoque práctico.
- Fomento da participación.
- O curso desenvólvese en modalidade integramente online, utilizando como soporte a plataforma de formación en liña do COAG (moodle.coag.es). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
- Prazo preferente de matrícula (exclusivo para colexiados COAG subscritos ao servizo de formación): ata o mércores 01/10/2025 ás 23:59 h, ou ata esgotarse as prazas dispoñibles.
- Todas as modalidades: dende as 23:59 h do mércores 01/10/2025 ata o domingo 5/10/2025 ás 23:59h, ou ata esgotarse as prazas dispoñibles.
Programa completo e matrícula
No programa completo, que pode consultarse a continuación, descríbese a metodoloxía e explican as actividades que integran en curso e a súa temporización e modalidades de seguimento.
[+ matriculación e programa completo do curso]
Curso de Aplicación práctica do DBSI e RSCIEI (adaptado ás modificacións de marzo de 2025)
Este curso propón unha revisión áxil, práctica e actualizada do DB SI, axudando a resolver con seguridade as dúbidas que xurden ao aplicalo tanto a proxectos básicos e de execución para uso residencial vivienda ou terciarios de calquera escala, incluíndo a súa posible tramitación como actividade.
Os seus contidos son adaptados ao RD 164/2025, do 4 de marzo, polo que se aproba o Regulamento de seguridade contra incendios en establecementos industriais, en vigor, e de seguemento obrigatorio a partir do próximo 10 de novembro.
Abarcaranse temas tan diferentes como a correcta sectorización e compartimentación, a avaliación e o cálculo das cargas de lume, as vías acreditadas para prescribir adecuadamente a resistencia EI e reacción de solucións construtivas en interior e exterior, a análise da configuración espacial particular de cada edificio ou establecemento e a idoneidade do seu deseño para unha evacuación segura, así como a xustificación da resistencia R das estruturas ante o lume.
Ademais das particularidades do uso residencial vivenda, existen os distintos usos terciarios (centros de educación infantil, turísticos, comerciais, hospitalarios ou o novo uso almacén) que requiren coñecer con detalle e en profundidade o BD para poder proceder axeitadamente, tanto para a súa asimilación aos usos regulados polo DB, así como para determinar o alcance das esixencias do documento para cada un deles.
Prezos de matrícula
- Matrícula ordinaria: 130 euros
- Arquitectos colexiados: 65 euros
- Arquitectos colexiados subscritos ao servizo de formación: 40 euros
Metodoloxía
- Flexibilidade para o alumno.
- Enfoque práctico.
- Fomento da participación.
- O curso desenvólvese en modalidade integramente online, utilizando como soporte a plataforma de formación en liña do COAG (moodle.coag.es). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
- Prazo preferente de matrícula (exclusivo para colexiados COAG subscritos ao servizo de formación): ata o domingo 12/10/2025 ás 23:59 h, ou ata esgotarse as prazas dispoñibles.
- Todas as modalidades: dende as 23:59 h do domingo 12/10/2025 ata o luns 27/10/2025 ás 23:59h, ou ata esgotarse as prazas dispoñibles.
Programa completo e matrícula
No programa completo, que pode consultarse a continuación, descríbese a metodoloxía e explican as actividades que integran en curso e a súa temporización e modalidades de seguimento.
[+ matriculación e programa completo do curso]
Coa colaboración de 
Últimas prazas para Obradoiro de Ricardo Orts: Ferramentas de IA para a Arquitectura
Quedan poucas prazas dispoñibles para os obradoiros presenciais de Ricardo Orts, titulados: Ferramentas de IA para a Arquitectura: Workflows Avanzados para a Creación de Imaxes e Vídeo.
- Lugar: Sede do COAG, Praza da Quintana, 1, 3º, Santiago de Compostela.
- Edicións e datas:
- Edición II (nova): martes 30 de setembro e mércores 1 de outubro. Últimas prazas [+ matrícula e programa completo do curso]
- Edición I (orixinal): xoves 2 e venres 3 de outubro. Últimas prazas [+ matrícula e programa completo do curso]
- Horario: 10:00–14:00 e 15:30–19:30.
Nestes obradoiros, o arquitecto e artista dixital Ricardo Orts amosará como aplicar a intelixencia artificial á creación de imaxes e vídeo. A través de exemplos e metodoloxías avanzadas, exploraremos ferramentas que se poderán incorporar ao traballo diario en arquitectura e deseño.
Este encontro dá continuidade á charla ofrecida no #COAGconta do 7 de maio. Podedes acceder á gravación no seguinte enlace:
[Gravación: Ferramentas de IA para a Arquitectura: Creación de Imaxes e Vídeo].
Ademais dos descontos habituais a colexiados, e subscritos á formación ou estudantes, está previsto un desconto importante para a matrícula anticipada. O prazo de matrícula anticipada pecharase o 21 de setembro ás 23:59.
(*) Para optar pola modalidade de “colexiado/a subscrito/a á formación”, os colexiados/as deberán estar subscritos ao servizo de formación no momento no que se formalice a matrícula. Os colexiados que non esteades subscritos ao servizo de formación no 2024, podedes solicitalo facendo unha nova consulta na seguinte ligazón.
Máis información e consultas:
Para formular consultas respecto deste curso, podes dirixirche a nós a través de:
- Colexiados/as: mediante o apartado “Realizar consultas”, sección de Formación, do panel de servizos do COAG, na seguinte LIGAZÓN
- Non colexiados/as: a través do enderezo de correo electrónico formacion@colexiodearquitectos.org
Resultado do sorteo dun/duns arquitectos/as interesados/as no encargo da Redacción de proxecto e dirección técnica de dúas demolicións no Concello de Nigrán
Tal e como se ten anunciado tivo lugar o sorteo para estes dous traballos, que se pode consultar no documento que se acompaña, segundo se indicou na Convocatoria do Concello de Nigrán. read more…
Gratuidade dos gastos do servizo de visado e rexistro dos traballos relacionados cos inmobles afectados polos incendios do verán de 2025
Tal e como se anuncia na Circular 13 2025, a Xunta de Goberno en sesión 17/2025 de 4 de setembro, acordou establecer que o COAG asumirá os gastos de visado ou rexistro dos traballos relacionados coa rehabilitación/obra nova dos inmobles afectados pola vaga de incendios acaecida en Galicia durante o verán de 2025. read more…
Curso de Fundamentos da construción con madeira
O obxectivo deste curso é que os alumnos adquiran os coñecementos necesarios para a utilización da madeira como material estrutural e construtivo tanto para obra nova como rehabilitación. Faremos un repaso das súas propiedades físico-mecánicas e dos principais sistemas construtivos, así como dos aspectos fundamentais a ter en conta en materia de durabilidade y deseño de detalles.
Trátase dun curso introdutorio que se complementará con outro sobre construción con elementos prefabricados de madeira: armazón lixeiro e CLT, que dará comezo en outubro de 2025.
Este curso está organizado no marco do acordo de colaboración suscrito polo Colexio Oficial de Arquitectos de Galicia (COAG) e a Axencia Galega da Industria Forestal (XERA) para promover o coñecemento en materia de construción e rehabilitación con madeira e a divulgación de obras exemplares.
Prezos de matrícula
O curso conta coa financiación de XERA, polo que os prezos de matrícula para colexiados son especialmente reducidos. O aforo é limitado.
- Matrícula ordinaria: 100 euros
- Arquitectos colexiados: 50 euros
- Arquitectos colexiados subscritos ao servizo de formación: 35 euros
Metodoloxía
- Flexibilidade para o alumno.
- Enfoque práctico.
- Fomento da participación.
- O curso desenvólvese en modalidade integramente online, utilizando como soporte a plataforma de formación en liña do COAG (moodle.coag.es). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
- Prazo preferente de matrícula (exclusivo para colexiados COAG subscritos ao servizo de formación): ata o domingo 07/09/2025 ás 23:59 h, ou ata esgotarse as prazas dispoñibles.
- Todas as modalidades: dende as 23:59 h do domingo 07/09/2025 ata o domingo 14/09/2025 ás 23:59h, ou ata esgotarse as prazas dispoñibles.
Programa completo e matrícula
No programa completo, que pode consultarse a continuación, descríbese a metodoloxía e explican as actividades que integran en curso e a súa temporización e modalidades de seguimento.
[+ matriculación e programa completo do curso]
Nova versión do programa para a redacción dos IAE
A CMATI infórmanos de que se despregou a versión 1.0.22 de Heriae que inclúe a sinatura de máis de un técnico ao redactar un IAE.
Escola de Opositores COAG – Enquisa Interese
Escola de Opositores COAG – Curso 2025 – 2026
O Colexio Oficial de Arquitectos de Galicia está a preparar a posta en marcha dunha Escola de Opositores, un programa formativo exclusivo para colexiados, pensado para aquelas persoas que desexen preparar oposicións no ámbito da arquitectura e da función pública. Trátase dunha iniciativa estruturada e rigorosa, orientada a proporcionar os coñecementos teóricos e prácticos necesarios para afrontar con garantías os distintos procesos selectivos.
A posta en marcha desta Escola dependerá, en última instancia, de que exista unha demanda suficiente entre os colexiados que permita facela viable. Para poder estimar esta demanda, poñemos ao voso dispor esta enquisa, que che pedimos que cubras no caso de que esteas interesado en participar nesta iniciativa nas condicións que expoñemos a continuación. Así, a formación da Escola de Opositores estará condicionada ao interese detectado a través de esta enquisa. A data límite para trasladarnos o teu interese é o próximo luns, día 15 de setembro.
O proxecto da Escola de Opositores COAG nace cun dobre propósito que cobra especial importancia no contexto actual, no que desde a Administración estanse a facer importantes esforzos na posta en marcha de medidas encamiñadas a axilizar e mellorar a tramitación administrativa dos diferentes procedementos relacionados co urbanismo e a edificación. Así,
- Búscase apoiar aos colexiados que queren incorporarse á función pública, tanto na Administración local como na autonómica.
- Búscase, ademais, apoiar ás Administracións para que poidan finalizar con éxito os procesos de contratación de persoal, contando con profesionais coa formación e perfil óptimo para as funcións que van desempeñar.
A Escola de Opositores COAG estará coordinada por catro profesores, especialistas nas diferentes materias. Dous deles serán arquitectos e os outros dous serán xurídicos.
Desde a escola, os profesores encargaranse de elaborar un temario propio, que se poñerá ao dispor dos alumnos de maneira gradual, a medida que se vaia avanzando nos contidos.
Sobre os contidos proporcionados, levarase a cabo un control e seguimento personalizado, presencial e con periodicidade semanal, mediante exercicios ben orais, ben escritos e casos prácticos para a súa resolución polos alumnos, que garantan que os alumnos conseguiron o nivel óptimo en cada un dos temas propostos.
Traballarase en grupos reducidos, cun profesor responsable de cada grupo e cun máximo de 6 alumnos por grupo.
O período lectivo desta primeira etapa da Escola de Opositores COAG desenvolverase entre novembro de 2025 e xullo de 2026.
Esta escola exponse con vocación de continuidade, de maneira que cada ano póidase apoiar a unha nova xeración de colexiados na preparación das probas de acceso á administración.
Ademais dos obxectivos inicialmente expostos, estamos convencidos de que é unha ferramenta moi valiosa para xerar sinerxias e sobre a que apoiar proxectos de colaboración e coordinación de criterios tan demandados e necesarios para dar axilidade e seguridade xurídica aos procedementos.
Modalidade e localización
- Presencial. Na sede do COAG en Santiago de Compostela.
- Sesións dous días á semana pola tarde, cunha duración de 3 horas por sesión (previsión de luns e martes pola tarde, pendente de confirmar).
Calendario
- De novembro a xullo (datas exactas por confirmar)
Prezos
- Matrícula inicial:
- 800 € para colexiados/as subscritos/as á formación
- 1100 € para colexiados/as non subscritos/as
- Cota mensual:
- 200 € para colexiados/as
No caso de que esteas interesado en matricularte na Escola de Opositores COAG 2025-2026, e queiras que te avisemos no momento no que se publique a programación e no momento no que se abra a matrícula, por favor enche o seguinte formulario. [Enquisa interese]
Cursos de Revit e Archicad nivel intermedio. Fin de Prazo de matriculación
O mércores 10 de setembro, ás 23:55 h, remata o prazo para matricularse dos cursos de Revit e Archicad nivel intermedio.
Estes cursos desenvólvense en modalidade totalmente en liña.
Lembrámosvos que os colexiados matriculados no curso de iniciación de 2024 terán un desconto do 35% para a matrícula do nivel intermedio.
(*) Para optar pola modalidade “colexiado subscrito a formación”, os colexiados/as deberán estar subscritos ao servizo de formación no momento no que se formalice a matriculación. Os colexiados que non vos atopedes subscritos ao servizo de formación en 2024, podedes solicitalo nunha nova consulta no seguinte enlace.
Revit_nivel intermedio: [+ matriculación e programa completo do curso]
Archicad_nivel intermedio: [+ matriculación e programa completo do curso]
Máis información e consultas:
Para formular consultas ao respecto destes cursos, podes dirixirte a nós a través de:
- Colexiados: a través do apartado de “Realizar consultas”, sección de Formación, do panel de servizos do COAG, no seguinte ENLACE
- Non colexiados: a través do enderezo de correo electrónico formacion@colexiodearquitectos.org.
Advertencia
A celebración dos cursos está condicionada a que se alcance o número mínimo de alumnos matriculados para a viabilidade dos mesmos. En caso contrario, comunicarase a cancelación dos cursos e o COAG procederá á devolución dos importes abonados.
![[COAGAxuda] Lista aberta de colexiados e colexiadas dispostas a axudar no proceso de recuperación das nosas familias e a nosa terra](https://portal.coag.es/wp-content/uploads/2017/10/COAGAxuda-v4.jpg)
[COAGAxuda] Lista aberta de colexiados e colexiadas dispostas a axudar no proceso de recuperación das nosas familias e a nosa terra
No 2017, ante a vaga de incendios que sufriu Galicia, o Colexio Oficial de Arquitectos de Galicia, dentro do seu compromiso social, puxo en marcha un proceso para apoiar as familias que o necesitasen. Este verán de 2025 repítese a situación e de novo toda Galicia, en especial a provincia de Ourense, está a sufrir unha devastación inasumible. Os danos son irreparables e de novo reiteramos a necesidade de prevención para non sufrir esta traxedia cada poucos anos. En calquera caso, de novo todos/as os/as que formamos parte deste colectivo queremos estar a disposición do país.
Trasladamos comunicado institucional ante a nova vaga de incendios forestais en Galicia e no Estado.
Polas razóns expostas, habilitase unha lista aberta de colexiados/as dispostos/as a axudar no proceso de recuperación das nosas familias e a nosa terra baixo a denominación “quenda COAGAxuda” de voluntariado de arquitectos.
O obxectivo é posibilitar a prestación de servizos en materia de voluntariado por parte dos profesionais colexiados no COAG e inscritos nela aos cidadáns e/ou entidades públicas e/ou privadas que o soliciten.
Esta colaboración realizarase a través das administracións públicas, debendo as persoas afectadas interesadas dirixirse ao seu concello para realizar as solicitudes. As administracións públicas, para solicitar a axuda, deberán utilizar o seguinte formulario:
O Colexio exerce de mediador entre os Concellos e demais entidades públicas que requiran a colaboración de arquitectos, consistente na elaboración de traballos que comprenderán inspeccións e revisións de construcións, informes e traballos de estilo similar. En ningún caso, se atenderán por esta canle encargos consistentes en proxectos ou encargos de similar complexidade ou responsabilidades.
En resumo, trátase dunha iniciativa colexial que pretende canalizar a solidariedade dos colexiados interesados en colaborar voluntaria e desinteresadamente cos Concellos afectados, sen que os colexiados aos que se lle asignen encargos cobren honorarios pola colaboración.
Último mes matrícula anticipada con desconto do Obradoiro de Ricardo Orts: Ferramentas de IA para a Arquitectura
Xa comenzou o último mes para realizar a matrícula anticipada no obradoiro dirixido por Ricardo Orts co nome Ferramentas de IA para a Arquitectura: Workflows Avanzados para a Creación de Imaxes e Vídeo
Este obradoiro será presencial en Santiago de Compostela os días xoves 2 e venres 3 de outubro en horario de 10:00-14:00 e 15:30-19:30. Na sede do COAG, Praza da Quintana, 1, 3º, Santiago de Compostela.
O arquitecto e artista dixital, Ricardo Orts, ensinaranos a empregar a intelixencia artificial para a creación de imaxes e vídeo, nun obradoiro práctico presencial, no que coñeceremos novas ferramentas e metodoloxías para aplicar a IA no noso traballo diario.
Este obradoiro da continuidade á charla ofrecida no #COAGconta do 7 de maio, podedes acceder á gravación na seguinte ligazón:
[Gravación: Ferramentas de IA para a Arquitectura: Creación de Imaxes e Vídeo]
Obradoiro_Ferramentas de IA para a Arquitectura: Workflows Avanzados para a Creación de Imaxes e Vídeo:
[+ matriculación e programa completo do curso]
Ademais dos descontos habituais a colexiados, e subscritos á formación ou estudantes, está previsto un desconto importante do 28% para a matrícula anticipada. O prazo de matrícula anticipada pecharase o 5 de setembro ás 23:59.
(*) Para optar pola modalidade de “colexiado/a subscrito/a á formación”, os colexiados/as deberán estar subscritos ao servizo de formación no momento no que se formalice a matrícula. Os colexiados que non esteades subscritos ao servizo de formación no 2024, podedes solicitalo facendo unha nova consulta na seguinte ligazón.
Máis información e consultas:
Para formular consultas respecto deste curso, podes dirixirche a nós a través de:
- Colexiados/as: mediante o apartado “Realizar consultas”, sección de Formación, do panel de servizos do COAG, na seguinte LIGAZÓN
- Non colexiados/as: a través do enderezo de correo electrónico formacion@colexiodearquitectos.org
Advertencia
A celebración do curso está condicionada á consecución dun número mínimo de alumnos/as matriculados/as para garantir a súa viabilidade. En caso contrario, comunicarase a cancelación do curso e o COAG procederá á devolución dos importes abonados.
Técnico competente para a Certificación da Eficiencia Enerxética dos edificios
O pasado 23 de xullo publicouse no BOE o Real Decreto 659/2025, do 22 de xullo, polo que se modifica o Real Decreto 390/2021, do 1 de xuño, polo que se aproba o procedemento básico para a certificación da eficiencia enerxética dos edificios, onde se adecúa a figura do técnico competente a un modelo baseado nos coñecementos e as cualificacións profesionais necesarias para a elaboración dos certificados de eficiencia enerxética.
O real decreto introduce como variables para acreditarse como técnico competente a formación e os coñecementos adquiridos, distinguindo entre persoas con titulación universitaria e persoas con titulación de Formación Profesional ou certificado profesional, requirindo a presentación dunha declaración responsable antes do inicio da actividade. Así mesmo, este real decreto introduce o requisito de complementar os coñecementos adquiridos, en función da titulación obtida, mediante un curso de formación composto de dous módulos (módulo 1, de coñecementos técnicos básicos necesarios, e módulo 2, de coñecementos específicos e administrativos relacionados coa certificación da eficiencia enerxética nos edificios). Esta división en módulos permite cursar unicamente un dos módulos, se a titulación ou certificado profesional permite acreditar os coñecementos do outro módulo.
Así mesmo, créase o Rexistro Administrativo Centralizado de Técnicos Competentes, onde estarán rexistrados todos os técnicos competentes acreditados para a certificación da eficiencia enerxética nos edificios. O órgano competente de cada comunidade autónoma que decida utilizalo será o encargado de inscribir a cada técnico competente dándolle de alta e borrar aos que causen baixa, mentres que o órgano competente que decida non utilizalo deberá poñer, mensualmente, ao dispor da Dirección Xeral de Planificación e Coordinación Enerxética do Ministerio para a Transición Ecolóxica e o Reto Demográfico, o rexistro autonómico actualizado de técnicos competentes.
Por último, este real decreto deroga o Real Decreto 891/1980, do 14 de abril, sobre homologación dos paneis solares, como consecuencia da aplicación das políticas de Novo Enfoque, Enfoque Global e finalmente, o Novo Marco Lexislativo que desenvolveron a libre circulación de mercadorías dentro do territorio da Unión Europea.
Ligazóns de interese en materia de urbanismo e contratación en Galicia
Ligazóns de interese de ditames, recomendacións, instrucións e acordos emitidos pola Xunta Consultiva en materia de Urbanismo e de Contratación da Xunta de Galicia, así como ligazón ao buscador de Textos Consolidados da Lexislación aprobada polo goberno de Galicia.
- Ditames, Recomendacións, Instrucións e Acordos emitidos pola Xunta Consultiva en materia de urbanismo da Xunta de Galicia. Información funcións da XCMU.
- Ditames, Recomendacións, Instrucións e Acordos emitidos pola Xunta Consultiva de contratación da Xunta de Galicia. Información funcións da XCC.
- Textos consolidados a Lexislación Autonómica Galega.