Categoría
Conferencia “Restauración do Hospital dos Reis Católicos. Criterios e solucións técnicas”
O vindeiro martes 9 de xuño, ás 19:30 horas, o espazo do Baixo Cuberta da Delegación de Santiago do COAG acollerá unha conferencia do arquitecto Fernando Cobos Guerra, recoñecido especialista en conservación e restauración do patrimonio arquitectónico. read more…
Deputación da Coruña – lista provincial persoal funcionario interino para prazas de arquitecto/a nos concellos da provincia da Coruña con poboación inferior a 20.000 habitantes
No BOP A Coruña de 28 de maio, aparece o anuncio da Deputación Provincial da Coruña polo que se publican as Bases do proceso selectivo destinado á elaboración dunha lista provincial para a selección de persoal funcionario interino para prazas de arquitecto/a nos concellos da provincia da Coruña con poboación inferior a 20.000 habitantes (Grupo A1, escala de administración especial, subescala técnica, clase técnicos superiores). read more…
ATLANTÍA, virando o rumbo da Arquitectura
O evento ATLANTÍA pretende reunir, nunha xornada que se estenderá durante todo o xoves, 18 de xuño, no Naútico de San Vicente do Mar a visión de varias arquitectas de xeracións diferentes, e con perfís profesionais tamén moi diversos. Un evento que pretende continuar no tempo, amosando o traballo, implicación e diversidade de tantas profesionais arquitectas e que aspira tamén a descubrir e servir de plataforma para aquelas máis novas.
O emprazamento elixido, o Náutico de San Vicente, á beira da Praia da Barrosa e do Océano Atlántico, non é casual. Búscase que o evento emule o fenómeno da experiencia en vivo, e que reserve certo grao de sorpresa nas participacións e relatorios que terán lugar ese día, todo cun carácter distendido, a modo de festival da arquitectura, onde a praia permitirá eses momentos de descanso e relaxación entre ponencias.
Arquitectas proxectistas, urbanistas, músicas, ilustradoras, divulgadoras…todas estarán alí representadas e o público será fundamental para que a experiencia sexa completa, dinámica e enriquecedora.
A xornada desenvolverase durante todo o día (de 9:30h a 21:00h), pola mañá con 4 intervencións e mesas de debate, e pola tarde con outros 4 relatorios e mesas de debate.
Ao mediodía, entre as 13:45h e as 15:45h, para quen así o desexe, ofrecerase unha comida, fideuá de marisco ou alternativa vegana apta para persoas celíacas, por un importe de 15 euros, que poderá solicitarse previo pago no momento da inscrición e que será degustada nas instalacións (terrazas) do propio náutico.
Ás 17:00h terá lugar unha conexión en streaming a través da canle do Consello Superior de Arquitectos de España (CSCAE), para a lectura dun libro dentro do ciclo “Espacio de Lectura con A de Arquitecta” e que acollerá ese día o COAG coa lectura e presentación, desde San Vicente, do último libro publicado da arquitecta e fotógrafa Ana Amado, “Sancti Spiritus”, acompañada da arquitecta e xestora da conta de instagram “Le Petit Patito”, Laura Pato.
Tamén está dispoñible un servizo de ludoteca/acompañamento de menores todo o día. A solicitude do servizo de ludoteca implica necesariamente a necesidade de subscribir o servizo de comida.
A asistencia ao acto requirirá inscrición previa, para garantir entrada ao mesmo, por ter espazo limitado, aínda que se permitirá o acceso ao final do mesmo para desfrutar da actuación musical sorpresa que pechará o evento. Cada persoa inscrita podera levar a unha persoa acompañante. En caso de usar o servizo de ludoteca, cada persoa inscrita poderá inscribir aos rapaces que precisen.
As persoas interesadas en asistir deberán comunicar a súa asistencia á maior brevidade posible e, en todo caso antes das 23:59 horas do vindeiro día 14 de xuño de 2026, cubrindo o formulario dispoñible no seguinte ENLACE
Cualedro acollerá “O Ciclo do Lume”, unha xornada de reflexión sobre incendios forestais, territorio e ecoloxía
O vindeiro 14 de xuño de 2026, a Aula Arqueolóxica Antonio Rodríguez Colmenero de Cualedro acollerá “O Ciclo do Lume”, unha iniciativa promovida polo Colectivo Costa Oeste que propón unha reflexión ampla arredor dos incendios forestais, a ecoloxía do lume e a relación entre territorio, comunidade e paisaxe.
O proxecto conta co financiamento da área de Cultura do Colexio Oficial de Arquitectos de Galicia e desenvólvese en colaboración co Concello de Cualedro, a Comunidade de Montes de Cualedro e a Asociación de Veciños de Lucenza.
“O Ciclo do Lume” nace coa vontade de abrir un espazo de aprendizaxe, debate e acción arredor dos conflitos ambientais e sociais xerados polos incendios forestais. Ao longo da xornada abordarase a problemática dos incendios forestais desde diferentes disciplinas como a ecoloxía do lume, o desenvolvemento territorial, a fotografía, a veracidade científica, a ciencia cidadá e a educación ambiental, combinando coñecemento científico, experiencias de participación comunitaria e ferramentas de reflexión sobre o territorio.
A iniciativa busca analizar as causas estruturais dos megaincendios, dar visibilidade a modelos de restauración ecolóxica e xestión comunitaria do monte e fomentar unha mirada crítica sobre os desafíos ambientais que afectan ás paisaxes rurais galegas. Ao mesmo tempo, reivindica o papel da arquitectura e da planificación territorial fronte aos efectos do cambio climático.
Entre as persoas relatoras participantes atópanse Fran García, de Territorio Raso, quen abordará a paisaxe galega en mosaico; Iván Pérez, de SaviaNova, cun relatorio centrado na ecoloxía do lume; o fotógrafo Brais Lorenzo, que presentará o proxecto “Terra Queimada”; e Ramsés Pérez, de ADEGA, quen falará sobre voluntariado e accións para a recuperación ambiental.
A programación completarase con dúas visitas de campo dedicadas ás boas prácticas na custodia do territorio, coa participación da Comunidade de Montes de Cualedro e da Asociación de Veciños de Lucenza, que compartirán experiencias locais de prevención e xestión sostible do monte.
As actividades están dirixidas tanto á poboación local como a persoas interesadas na ecoloxía, a arquitectura, a paisaxe e a xestión territorial. A organización aposta ademais por un formato próximo e participativo, cun grupo reducido de asistentes para favorecer o intercambio de experiencias e o diálogo entre participantes, polo que as prazas serán limitadas.
O prazo de inscrición xa está aberto e será imprescindible realizar inscrición previa mediante mensaxe directa ou a través do correo electrónico
informacion.costaoeste@gmail.com.
Programa
Domingo 14 de xuño
Relatorios
- 11:00 h | A paisaxe galega en mosaico — Fran García (Territorio Raso) • 11:30 h | A ecoloxía do lume — Iván Pérez (SaviaNova)
- 12:00 h | Pausa café
- 12:30 h | Terra Queimada — Brais Lorenzo
- 13:00 h | Voluntariado e accións para a recuperación — Ramsés Pérez (ADEGA)
14:00 h | Xantar
Boas prácticas na custodia do territorio (visita de campo)
- 16:00 h | Bosque Celta. Plan estratéxico do monte comunal — Comunidade de Montes de Cualedro
- 17:30 h | Chairas e A Veiga: estratexias de prevención — Asociación de Veciños de Lucenza
Curso Práctica BIM: A casa Farnsworth en Revit, Archicad, Edificius e Bonsai – Últimos días
Últimos días de matriculación, a práctica empeza o luns 1 de xuño.
[+ matriculación e programa completo do curso]
O sector da edificación avanza a un ritmo vertixinoso e a metodoloxía BIM xa se consolidou como o estándar indiscutible. Porén, para moitos arquitectos, a transición desde o tradicional contorno CAD cara a un ecosistema BIM pode resultar un desafío esmagador. Co propósito de achandar este camiño, programamos este curso deseñado especificamente para os profesionais que desexan iniciarse no mundo BIM con seguridade.
Este curso presenta videotutoriais nos que se realiza o modelado arquitectónico básico da icónica Casa Farnsworth de Mies van der Rohe con catro softwares distintos (Revit, Archicad, Edificius e Bonsai).
Os participantes terán así a oportunidade de tomar contacto tanto con algúns dos programas máis estandarizados e coñecidos da industria, como con outras alternativas emerxentes moi interesantes, adquirindo datos reais sobre las diferentes solucións que mellor se poidan adaptar ao seu fluxo de traballo.
A práctica final proposta é que cada alumno desenvolva ese mesmo exercicio co software que considere máis interesante dos que se presentan (sen necesidade de dispoñer de licenzas, habilitarase unha sección para a descarga de versións de proba).
O obxectivo principal deste reto é lograr que os alumnos se familiaricen coa metodoloxía e estratexia utilizada no proceso de modelado (comezar a pensar en BIM), adquirindo unha visión transversal que o arquitecto poderá aplicar o día de mañá independentemente da ferramenta de software que decida implantar no seu estudo.
É o momento perfecto para perderlle o medo ao 3D paramétrico.
Prezos de matrícula
- Matrícula ordinaria: 130 euros
- Arquitectos colexiados: 95 euros
- Arquitectos colexiados subscritos ao servizo de formación: 65 euros
Metodoloxía
- Flexibilidade para o alumno.
- Enfoque práctico.
- Certificado de aproveitamento.
O curso desenvólvese en modalidade integramente online, utilizando como soporte a plataforma de formación en liña do COAG ( moodle.coag.es ). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
Aforo e prazos de matrícula:
O aforo é limitado.
- Prazo preferente de matrícula (exclusivo para colexiados COAG subscritos ao servizo de formación): ata o mércores 17/05/2026 ás 23:59 h, ou ata esgotarse as prazas dispoñibles.
- Todas as modalidades: desde o luns 18/05/2026 ata o luns 31/05/2026 ás 23:59 h, ou ata esgotarse as prazas dispoñibles.
Programa completo e matrícula:
No programa completo, que pode consultarse a continuación, descríbese a metodoloxía e explícanse as actividades que integran o curso e a súa temporización e modalidades de seguimento.
[+ matriculación e programa completo do curso]
Coa colaboración de 
III Premio de Construcción Sostenible para reconocer la innovación arquitectónica con pizarra natural
El Clúster da Pizarra de Galicia ha abierto la convocatoria del III Premio de Construcción Sostenible con Pizarra, un certamen que busca reconocer la excelencia, la innovación y la sostenibilidad en el uso de este material natural en proyectos arquitectónicos realizados en cualquier parte del mundo que empleen, de forma significativa, pizarra producida por empresas del Clúster o de la Federación Nacional de la Pizarra. read more…
Acto de entrega dos Premios Próximos 2026
O vindeiro sábado 6 de xuño, terá lugar o acto de entrega de diplomas aos premiados na edición 2026 dos Premios PRÓXIMOS, organizados pola Delegación de Santiago do Colexio de Arquitectos, os colexiados interesados en asistir deberán solicitalo conforme ás seguintes indicacións: read more…
Xunta Xeral ordinaria 19 de maio de 2026: acordos e difusión datos participantes
Infórmase da publicación da circular nº 10/2026 na que se recollen os acordos adoptados na Xunta Xeral ordinaria do 19 de maio de 2026, así como os datos dos participantes na mesma.
Conferencia “A intervención en Patrimonio como tema de arquitectura”
O vindeiro venres 5 de xuño terá lugar unha conferencia organizada pola Delegación de Santiago do Colexio de Arquitectos. Co título de “A intervención en Patrimonio como tema de arquitectura”, os arquitectos Mariano Pemán Gavín e Sergio Sebastián Franco impartirán un relatorio centrado nas actuacións realizadas no Real Mosteiro de Santa María de Sijena. read more…
Prazo ordinario de preinscrición do Mestrado Universitario en Rehabilitación Arquitectónica da ETSAC
Conferencia “Restauración do Hospital dos Reis Católicos. Criterios e solucións técnicas”
O vindeiro martes 9 de xuño, ás 19:30 horas, o espazo do Baixo Cuberta da Delegación de Santiago do COAG acollerá unha conferencia do arquitecto Fernando Cobos Guerra, recoñecido especialista en conservación e restauración do patrimonio arquitectónico. A raíz do...
Deputación da Coruña – lista provincial persoal funcionario interino para prazas de arquitecto/a nos concellos da provincia da Coruña con poboación inferior a 20.000 habitantes
No BOP A Coruña de 28 de maio, aparece o anuncio da Deputación Provincial da Coruña polo que se publican as Bases do proceso selectivo destinado á elaboración dunha lista provincial para a selección de persoal funcionario interino para prazas de arquitecto/a nos...
ATLANTÍA, virando o rumbo da Arquitectura
O evento ATLANTÍA pretende reunir, nunha xornada que se estenderá durante todo o xoves, 18 de xuño, no Naútico de San Vicente do Mar a visión de varias arquitectas de xeracións diferentes, e con perfís profesionais tamén moi diversos. Un evento que pretende continuar...
Cualedro acollerá “O Ciclo do Lume”, unha xornada de reflexión sobre incendios forestais, territorio e ecoloxía
O vindeiro 14 de xuño de 2026, a Aula Arqueolóxica Antonio Rodríguez Colmenero de Cualedro acollerá “O Ciclo do Lume”, unha iniciativa promovida polo Colectivo Costa Oeste que propón unha reflexión ampla arredor dos incendios forestais, a ecoloxía do lume e a relación...
Curso Práctica BIM: A casa Farnsworth en Revit, Archicad, Edificius e Bonsai – Últimos días
Últimos días de matriculación, a práctica empeza o luns 1 de xuño. [+ matriculación e programa completo do curso] O sector da edificación avanza a un ritmo vertixinoso e a metodoloxía BIM xa se consolidou como o estándar indiscutible. Porén, para moitos arquitectos, a...
III Premio de Construcción Sostenible para reconocer la innovación arquitectónica con pizarra natural
El Clúster da Pizarra de Galicia ha abierto la convocatoria del III Premio de Construcción Sostenible con Pizarra, un certamen que busca reconocer la excelencia, la innovación y la sostenibilidad en el uso de este material natural en proyectos arquitectónicos...
Acto de entrega dos Premios Próximos 2026
O vindeiro sábado 6 de xuño, terá lugar o acto de entrega de diplomas aos premiados na edición 2026 dos Premios PRÓXIMOS, organizados pola Delegación de Santiago do Colexio de Arquitectos, os colexiados interesados en asistir deberán solicitalo conforme ás seguintes...
Xunta Xeral ordinaria 19 de maio de 2026: acordos e difusión datos participantes
Infórmase da publicación da circular nº 10/2026 na que se recollen os acordos adoptados na Xunta Xeral ordinaria do 19 de maio de 2026, así como os datos dos participantes na mesma.
Conferencia “A intervención en Patrimonio como tema de arquitectura”
O vindeiro venres 5 de xuño terá lugar unha conferencia organizada pola Delegación de Santiago do Colexio de Arquitectos. Co título de “A intervención en Patrimonio como tema de arquitectura”, os arquitectos Mariano Pemán Gavín e Sergio Sebastián Franco impartirán un...
Prazo ordinario de preinscrición do Mestrado Universitario en Rehabilitación Arquitectónica da ETSAC
O Mestrado Universitario en Rehabilitación Arquitectónica da ETSAC abre o seu prazo de inscrición. MURA 2026/2027 · Prazo ordinario de preinscrición: 11 de xuño - 13 de xullo para estudantado EEES e títulos homologados Modalidade PRESENCIAL e A DISTANCIA O MURA –...