Categoría

Presentación do libro “A estación de servizos. Laboratorio de Arquitectura” do arquitecto Alberto Rodríguez Arias

Presentación do libro “A estación de servizos. Laboratorio de Arquitectura” do arquitecto Alberto Rodríguez Arias

4-12-2024

O arquitecto lucense Alberto Rodríguez Arias presenta na Delegación do COAG Lugo un libro sobre a historia arquitectónica das gasolineiras en España. A publicación mostra o papel que as estacións de servizos tiveron nas vangardas arquitectónicas da posguerra e recolle un decálogo cos principais edificios, ademais de reivindicar a súa protección. read more…

Concello de Culleredo – Dúas prazas de arquitecto/a

Concello de Culleredo – Dúas prazas de arquitecto/a

4-12-2024

No BOP-A Coruña de 3 de decembro, aparecen publicadas as Convocatoria e bases reguladoras para a provisión en propiedade de dúas prazas de arquitecto/a, da escala de administración especial, .subescala técnica, grupo de titulación A1, nivel 24 funcionario de carreira, polo sistema de concurso-oposición. read more…

Xornadas de Introdución á rehabilitación de estruturas de madeira

Xornadas de Introdución á rehabilitación de estruturas de madeira

3-12-2024

Os días 12 e 13 de decembro están programadas dúas xornadas relacionadas coa rehabilitación de estruturas de madeira, que teñen un carácter introdutorio a outras actividades formativas que dende o COAG se están a programar para o ano 2025.

Así, o xoves 12 de decembro, de 16:30 a 20:30, terá lugar unha xornada en liña sobre os fundamentos principais para a rehabilitación de estruturas de madeira, impartida por Manuel C. Touza Vázquez, Dr. Enxeñeiro de Montes e técnico en CIS-Madeira. O programa para esta xornada será o seguinte:

  • Diagnose de patoloxías e opcións de tratamentos en estruturas de madeira.
  • Historia construtiva das especies máis empregadas en Galicia.
  • Técnicas existentes e exemplos de intervención.

O venres 13 de decembro, de 10:30 a 14:00, está programada unha visita ao Museo Massó en Bueu, cuxa ampliación estase a levar a cabo polo estudo  de arquitectura RVR (Alberto Redondo, José Valladares e Marcial Rodríguez). Durante a visita, explicarase in situ a intervención de conservación realizada, centrada fundamentalmente nas cubertas do edificio. O aforo para esta actividade é especialmente limitado e é imprescindible levar casco. Pode consultarse o programa detallado para a mesma na seguinte [+ligazón].

Ambas as actividades son gratuítas, mais por cuestións de aforo é imprescindible a inscrición para cada unha das actividades, que se realizará a través das seguintes ligazóns:

NOTA: No caso de que vos inscribírades na visita presencial e non poidades acudir, rogámosvos que accedades á ligazón que vos chegará ao correo electrónico no momento da inscrición, para deixar dispoñible esa praza a outro compañeiro da lista de espera.

Aberto prazo de matrícula para o Curso de Procedemento administrativo e contratación pública no urbanismo_COAG-EGAP

Aberto prazo de matrícula para o Curso de Procedemento administrativo e contratación pública no urbanismo_COAG-EGAP

2-12-2024

Atópase aberto o prazo de matrícula para o curso “Procedemento administrativo e contratación”, o primeiro dos cursos coorganizados polo COAG e a EGAP que forman parte do itinerario formativo en urbanismo e ordenación do territorio.

Nesta convocatoria celebraranse 3 cursos entre decembro de 2024 e febreiro do 2025, que teñen a consideración de módulos optativos para os alumnos do Curso de Técnico Superior en Urbanismo:

  • Procedemento administrativo e contratación
  • Taller de renovación urbana e rexeneración urbanística (apertura de matrícula nas próximas semanas)
  • Servidumes e limitacións sectoriais (apertura de matrícula nas próximas semanas)

Estes cursos terán unha duración de 32 horas, en formato presencial, e actualmente atópase dispoñible a matrícula para o primeiro, de Procedemento administrativo e contratación. 

read more…

Servizo de cita previa en Urbanismo no Concello da Coruña

Servizo de cita previa en Urbanismo no Concello da Coruña

2-12-2024

A concellería de Urbanismo, Rehabilitación e Vivenda acaba de poñer a disposición dos colexiados/as un Servizo de atención presencial que permitirá aos arquitectos/as atender as diversas consultas que poidan ter, relativas aos informes técnicos emitidos nos servizos de urbanismo do Concello da Coruña.

Así, os colexiados/as que teñan trámites abertos nesta concellería, e técnico asignado, poderán falar directamente co técnico que leva o seu expediente.

A cita presencial tramitarase no seguinte enlace:

https://www.coruna.gal/urbanismo/es/cita-previa/pida-aqui-su-cita-presencial

#COAGconta: Casuística na certificación enerxética. Rexistro

#COAGconta: Casuística na certificación enerxética. Rexistro

1-12-2024

O xoves 19 de decembro ás 12:00 horas, Juan Manuel Ferreiro Oliva e Rafael Fernández Vale explicarannos a casuística na certificación de eficiencia enerxética de edificios e a importancia do posterior rexistro.

1. Como certificar un edificio con locais comerciais e oficinas.
2. Como certificar un conxunto de vivendas con superficie útil inferior a 50 m2.
3. Como certificar varias construcións nun mesmo proxecto.
4. Certificar un edificio completo cunha vivenda representativa.
5. Rexistrar adecuadamente é fundamental.

Para o seguimento en directo da xornada, é necesaria inscrición na seguinte  [+ ligazón]

Oferta de emprego.

Oferta de emprego.

by | Dec 4, 2024 | , ,

Estudio de arquitectura MMO ARQUITECTOS, S.L.  con sede en A Coruña selecciona arquitecto/a asalariada Funcións a realizar: - Proxectos de edificacións. Requisitos: Arquitecto/a recien titulado. Manexo de BIM (REVIT) Tipo de contrato: Asalariado - 1 ano. Interesados:...