Novas de Recursos
A Universidade de Santiago de Compostela, acorda a desistencia no procedemento de licitación do contrato con número de expediente 2019-CSEA1-000014 para a redacción do proxecto básico e do proxecto de execución da sede do Instituto Galego de Física de Altas. O COAG interpuxera recurso de reposición por entender que determinados aspectos dos pregos non se acomodaban á normativa sobre contratación pública.
O COAG presenta recurso de reposición en impugnación da licitación para adxudicar o contrato de servizos para a redacción do proxecto básico e do proxecto de execución de reforma e ampliación da sede do Instituto Galego de Física de Altas Enerxías.
O Concello de Fornelo de Montes resolve o recurso de reposición interposto polo COAG impugnación da licitación do servizo da dirección de execución das obras de “Remodelación e dotación da praza da Igrexa e Rúa das Escolas” (Expediente 262/2019) e considerando que as alegacións do COAG (e dou outro Colexio recorrente) se axustan a Dereito anula a licitación.
Notificación da resolución do recurso
O COAG presenta recurso de apelación en impugnación da sentencia do Xulgado do Contencioso Administrativo nº 1 de A Coruña no P.O 1/2019, pola que se desestima o recurso contencioso administrativo presentado polo COAG (28/12/2018) en impugnación do procedemento convocado pola Deputación da Coruña para a selección de persoal funcionario interino e/ou laboral para técnico de turismo.
O COAG presentou recurso contra a licitación do servizo de dirección de execución das obras de remodelación e dotación da Praza da Igrexa e Rúa das Escolas en Fornelos de Montes.
O Colexio presentou recurso de reposición en impugnación da licitación do servizo para a redacción do proxecto básico para urbanización dunha praza pública na parcela da actual Estación de Autobuses de Lugo.
O Colexio presentou recurso especial en materia de contratación contra a licitación para a contratación do servizo para a redacción do proxecto da Terminal de Autobuses integrada na Estación Intermodal de Lugo, cofinanciada nun 80% polo Fondo Europeo de Desenvolvemento Rexional no marco do Programa Operativo FEDER Galicia 2014-2020 da Consellería de Infraestruturas e Mobilidade.
O Colexio presentou recurso de reposición en impugnación da Resolución do 8 de outubro de 2019, da Dirección Xeral de Centros e Recursos Humanos, pola que se convoca un procedemento para a elaboración das listas de interinidades e substitucións para impartir docencia no corpo de profesores de Artes plásticas e deseño (595), especialidades de deseño Gráfico (512), fotografía (515), historia da arte (516), medios audiovisuais (521) e medios informáticos (522).
Comentarios recientes