No Museo das Peregrinacións e de Santiago está dispoñible a exposición «Arquitecturas debuxadas. Compostela» con ilustracións do arquitecto, debuxante e pintor Santiago Catalán. Continuar lendo →

O vindeiro luns 5 de outubro, coa lema «arquitectura para vivir mellor«, celébrase o Día Mundial da Arquitectura 2020. Dentro das actividades programadas con esta ocasión, o COAG organiza a xornada on line «Habitar o territorio: pasado, presente e futuro da vivenda e a cidade», que ten por obxecto debater e reflexionar distendidamente acerca da evolución da vivenda desde a segunda metade do século XX, tanto desde o punto de vista tipolóxico e espacial como desde o punto de vista da súa implantación no territorio e a súa capacidade para  xerar e transformar a cidade. Analizaremos diferentes solucións arquitectónicas e urbanísticas adoitadas ao longo dos anos, os seus acertos e os seus fracasos. Analizaremos tamén a problemática actual, os novos modelos e demandas habitacionais e debateremos acerca das posibles solucións e ferramentas necesarias para abordar esta problemática desde a óptica da arquitectura, o urbanismo e a xestión da cidade. Continuar lendo →