Categoría

Novas edicións para o Obradoiro sobre IA: Apoio da IA para xestión de normativa e redacción de memorias. LLMs

Novas edicións para o Obradoiro sobre IA: Apoio da IA para xestión de normativa e redacción de memorias. LLMs

10-02-2026

Tras comprobar a dispoñibilidade do relator, establecemos novas edicións:

Durante este curso coñeceremos mediante exemplos prácticos como podemos apoiarnos na Intelixencia Artificial para a xestión da normativa existente, a redacción e o control de memorias, entre outros casos de utilidade ao longo das distintas fases dun proxecto. Así mesmo, estableceremos un guión de boas prácticas para a súa utilización.

Prezos de matrícula:

  • Matrícula ordinaria: 190 €

  • Arquitectos/as colexiados/as: 142,5 €

  • Arquitectos/as colexiados/as subscritos/as ao servizo de formación: 95 euros.

Modalidade: en directo en liña

  • O curso está deseñado para o seu seguimento en directo. É obrigatorio ter a cámara e o micrófono conectados para o seguimento deste curso.
  • Enfoque práctico.
  • Certificado de aproveitamento cun mínimo de asistencia de 2 das 3 sesións. Péchase o acceso aos 20 minutos do inicio.
  • O curso desenvólvese na modalidade integramente en liña, utilizando como soporte a plataforma de formación online do COAG (moodle.coag.es). Esta plataforma será o medio a través do cal se canalizará toda a operativa do curso, e nela habilitaranse todas as actividades e recursos que se utilizarán.

Duración total:

  • 12 horas [3 talleres online en directo]

Aforo e prazos de matrícula:

  • O aforo está limitado a 25 alumnas/os.

  • Prazo preferente de matrícula (exclusivo para colexiados do COAG subscritos ao servizo de formación):

    • 5ª edición: 25, 26 e 28 de maio, ata o día 17/5/2026 ás 23:59.

    • 6ª edición: 8, 9 e 11 de xuño, ata o día 31/5/2026 ás 23:59.

  • Todas as modalidades: ata esgotarse as prazas dispoñibles ou:

    • 5ª edición: 25, 26 e 28 de maio, do luns 18/5/2026 ao domingo 24 de maio de 2026.

    • 6ª edición: 8, 9 e 11 de xuño, do luns 1/6/2026 ao domingo 7 de xuño de 2026.

Programa completo e matrícula:
No programa completo, que pode consultarse a continuación, descríbese a metodoloxía e explícanse as actividades que integran o curso e a súa temporización e modalidades de seguimento.

(*) Para optar pola modalidade de “colexiado/a subscrito/a á formación”, os colexiados/as deberán estar subscritos ao servizo de formación no momento no que se formalice a matrícula. Os colexiados que non esteades subscritos ao servizo de formación no 2026, podedes solicitalo facendo unha nova consulta na seguinte ligazón.

Máis información e consultas:
Para formular consultas respecto deste curso, podes dirixirche a nós a través de:

  • Colexiados/as: mediante o apartado “Realizar consultas”, sección de Formación, do panel de servizos do COAG, na seguinte LIGAZÓN
  • Non colexiados/as: a través do enderezo de correo electrónico formacion@colexiodearquitectos.org

Advertencia
A celebración do curso está condicionada á consecución dun número mínimo de alumnos/as matriculados/as para garantir a súa viabilidade. En caso contrario, comunicarase a cancelación do curso e o COAG procederá á devolución dos importes abonados.

O COAG, en defensa das competencias da profesión, presenta un recurso contencioso administrativo en impugnación dos pregos reguladores das condicións da licitación da Empresa Pública de Servizos Agrarios Galegos, S.A (SEAGA), para a contratación do servizo de redacción do proxecto básico e de execución, dirección de obra e coordinación de seguridade e saúde para a construción da sede central de SEAGA (Expediente PAH/013/2514/2023 (SAG-2025-0012), publicada no Perfil do Contratante o 19-12-2025).

9-02-2026

O principal motivo do recurso radica nas titulacións recollidas nos pregos da licitación para a composición do equipo técnico esixido, no entendemento de que á vista do uso do edificio, o proxectista debe ser arquitecto/a e, por outra banda, porque para as outras figuras integrantes do equipo esixido, exclúese aos arquitectos, sendo técnicos competentes para acometer ditas funcións.

#COAGconta: Modificacións normativas incorporadas pola Lei 5/2025, do 23 de decembro, de medidas fiscais e administrativas

#COAGconta: Modificacións normativas incorporadas pola Lei 5/2025, do 23 de decembro, de medidas fiscais e administrativas

9-02-2026

O mércores 11 de febreiro ás 12:00 horas, José María Domínguez Blanco, Xefe Servizo Disciplina Urbanística e Conservación do Concello de Vigo explicaranos os cambios en varias disposicións legais en materia de urbanismo e edificación que trouxo a Lei 5/2025, do 23 de decembro, de medidas fiscais e administrativas, coñecida como Lei de acompañamento.

Para acceder á Lei de acompañamento, pica na siguiente  [+ ligazón]

Para o seguimento en directo da xornada, é necesaria inscrición na seguinte  [+ ligazón]

Colabora

A responsabilidade do arquitecto no exercicio profesional

A responsabilidade do arquitecto no exercicio profesional

6-02-2026

O vindeiro venres día 27 de febreiro terá lugar, na Escola Técnica Superior de Arquitectura de A Coruña, unha xornada organizada pola Agrupación de Arquitectos, Peritos e Forenses do COAG sobre a responsabilidade no exercicio profesional da arquitectura. Abordarase a situación actual da actividade profesional dos arquitectos e as responsabilidades na obra, o urbanismo e o proceso edificatorio, incluíndo espazos de preguntas e debate para o intercambio de ideas.

Programa

Pode desacargarse o programa completo da xornada na seguinte ligazón:

[+ programa da xornada]

Horario

Data Mañá Tarde
27/02/2026 09:00 – 14:00 16:00 – 20:15

Lugar de celebración

Escola Técnica Superior de Arquitectura
Rúa da Fraga, 27. 15008, A Coruña. [+ver mapa]

Inscripción

A inscripción é gratuita ata acabar aforo.

ENLACE DE INSCRIPCIÓN.

A inscrición é gratuíta e exclusiva para arquitectos colexiados no COAG e estudantes de arquitectura da ETSAC. As prazas asignaranse por rigorosa orde de inscrición. O aforo é limitado. A inscrición na xornada permanecerá aberta ata as 23:59 h do xoves 26 de febreiro, ou ata esgotárense as prazas dispoñibles.

Enquisa ANMARQ: Seguridade Social e as pensións para arquitectos

Enquisa ANMARQ: Seguridade Social e as pensións para arquitectos

5-02-2026

Desde ANMARQ puxemos en marcha unha enquisa sobre a situación dos mutualistas arquitectos e arquitectos técnicos.

Xa temos datos de aproximadamente a metade dos nosos 1322 socios, pero entendemos que desde os colexios poderíase obter máis datos relevantes sobre a situación real das pensións dos arquitectos.

O interese da enquisa está en responder con datos estatísticos ás preguntas dos partidos políticos, os cales se queixan de que non teñen datos das mutualidades e dos mutualistas, para poder ponderar adecuadamente a futura Pasarela ao RETA.

A enquisa fíxose co programa Google forms e está dispoñible en galego e adaptada aos arquitectos, co nome de ENQUISA SOBRE A SEGURIDADE SOCIAL E AS PENSIÓNS PARA ARQUITECTOS.

O Concello de Oleiros incorpórase á interoperabilidade co COAG

O Concello de Oleiros incorpórase á interoperabilidade co COAG

3-02-2026

A partires do día 4 de febreiro o Concello de Oleiros incorporarase á interoperabilidade co COAG. Este servizo é froito do convenio asinado entre o COAG e o Concello. Así, a partires do día 4 de febreiro, consignando o código de expediente/traballo(s) do COAG na tramitación da licencia ou de outras autorizacións administrativas, e sempre e cando os técnicos redactores o teñan autorizado previamente, o Concello accederá á documentación técnica correspondente para incorporala á tramitación municipal.

read more…

O COAG, en defensa das competencias da profesión, presenta un recurso contencioso administrativo en impugnación dos pregos reguladores das condicións da licitación da Empresa Pública de Servizos Agrarios Galegos, S.A (SEAGA), para a contratación do servizo de redacción do proxecto básico e de execución, dirección de obra e coordinación de seguridade e saúde para a construción da sede central de SEAGA (Expediente PAH/013/2514/2023 (SAG-2025-0012), publicada no Perfil do Contratante o 19-12-2025).

by | Feb 9, 2026 | ,

O principal motivo do recurso radica nas titulacións recollidas nos pregos da licitación para a composición do equipo técnico esixido, no entendemento de que á vista do uso do edificio, o proxectista debe ser arquitecto/a e, por outra banda, porque para as outras...