Categoría

#COAGconta: Programa segundo semestre [actualización]

#COAGconta: Programa segundo semestre [actualización]

27-08-2024

Actualizouse a programación do #COAGconta para o segundo semestre do ano [xullo-decembro], coa incorporación dunha nova sesión que terá lugar o 12 de setembro sobre “Criterios de accesibilidade”.

#COAGconta é unha canle a través do que os colexiados poden obter a información actualizada, a nivel xeral, sobre as temáticas que, de forma directa ou indirecta, cobran máis relevancia no seu día a día profesional como arquitectos. Cun formato áxil e en sesións breves, #COAGconta busca ser un espazo para informar, clarificar e debater cuestións de interese, ben pola súa actualidade, ben por tratarse de problemáticas habituais.

Nas seguintes ligazóns podes consultar a información completa relativa a #COAGconta: Definición, temáticas, modalidades e programación. [+programación cas] [+programación gal] 

Curso “Acústica na arquitectura”

Curso “Acústica na arquitectura”

22-08-2024

O obxectivo principal deste curso é proporcionar aos alumnos os coñecementos e criterios prácticos necesarios para o acondicionamento acústico das edificacións. Para iso, desenvolverase tanto a definición proyectual, as solucións construtivas e o cumprimento das esixencias normativas como a execución das solucións e o control da obra executada, tanto en obra nova como en intervencións sobre edificacións existentes, rehabilitación acústica e actividades.

Por iso, durante o desenvolvemento do mesmo profundaremos nos fundamentos físicos do son, os diferentes sistemas construtivos e especialmente, a influencia dos illamentos e o seu comportamento fronte ao son e as vibracións. Ademais, analizaremos o marco normativo e a súa aplicación ás obras de construción, e expoñeremos os sistemas de ensaio dispoñibles e máis habituais para os distintos tipos de ruído.

Como conclusión de todo o anterior, estudaranse varios casos prácticos de execución de illamento acústico e de sistemas de control de ruído en edificación.

Prezos de matrícula

    • Matrícula ordinaria: 130 euros
    • Arquitectos colexiados: 65 euros
    • Arquitectos colexiados subscritos ao servizo de formación: 40 euros

Metodoloxía

    • Flexibilidade para o alumno.
    • Enfoque práctico.
    • Fomento da participación.
    • O curso desenvólvese en modalidade integramente online, utilizando como soporte a plataforma de formación en liña do COAG (moodle.coag.es). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
Aforo e prazos de matrícula
O aforo é limitado. As prazas asignaranse por rigorosa orde de matriculación.
    • Prazo preferente de matrícula (exclusivo para colexiados COAG subscritos ao servizo de formación): ata o xoves 05/09/2024 ás 23:59 h, ou ata esgotarse as prazas dispoñibles.
    • Todas as modalidades: dende as 23:59 h do xoves 05/09/2024 ata o luns 16/09/2024 ás 23:59h, ou ata esgotarse as prazas dispoñibles. 

Programa completo e matrícula

No programa completo, que pode consultarse a continuación, descríbese a metodoloxía e explican as actividades que integran en curso e a súa temporización e modalidades de seguimento.
[+ matriculación e programa completo do curso]

Concello de Pontecesures – Unha praza de arquitecto/a

Concello de Pontecesures – Unha praza de arquitecto/a

by | Ago 9, 2024 |

No BOE de 9 de agosto, publícase a Resolución de 26 de xullo de 2024, do Concello de Pontecesures (Pontevedra), referente á convocatoria para proveer varias prazas, entre as que figura unha praza de arquitecto/a. O prazo de presentación de solicitudes será de vinte...