A Deputación de Lugo responde ao escrito remitido polo COAG en relación en relación ao borrador de Plan Especial de Infraestruturas e Dotacións para a creación do “Parque Central – Centro Xeográfico De Galicia” en Antas De Ulla

Informa o seguinte:

– Que para a elaboración de dito plan conta cun equipo multidisciplinar no que hai Enxeñeiros de Montes, Enxeñeiros Forestais, Enxeñeiro Agrícola, Enxeñeiro de Camiños e Arquitecto; aclara que as edificacións incorporadas ao borrador do plan e o detalle das mesmas proveñen de proxecto redactado por Arquitecto.

– Confirma que  para a presentación do Plan Especial definitivo logo de acadar a autorización do trámite ambiental, será redactado por un equipo multidisciplinar entre o que se incluirá un Arquitecto entre outros técnicos, como solicita o COAG no seu escrito.

– Por outra banda e no relativo á proposta do COAG convocar un concurso de proxectos  “para a concreta execución futura do plan especial no relativo á elaboración dos proxectos arquitectónicos das edificacións contempladas no plan, especialmente o edificio multiusos (…) para que esa actuación se faga dentro duns niveis óptimos de calidade arquitectónica, urbanística e medioambiental, debido á importancia da mesma”, a Deputación indica que , xa contan cun Proxecto Básico e de Execución dende o punto de vista construtivo das edificacións que forma parte do proxecto completo de actuacións que cristalizarán no futuro Parque central- Centro Xeográfico de Galicia, que xa está redactado dende hai catro meses e polo tanto non procede a convocatoria do devandito concurso de ideas.

O escrito remitido pódese descargar neste ENLACE.

Proxecto de decreto polo que se aproba o Regulamento da Lei 7/2008, do 7 de xullo, de protección da paisaxe de Galicia.

Proxecto de decreto polo que se aproba o Regulamento da Lei 7/2008, do 7 de xullo, de protección da paisaxe de Galicia.

Infórmase da publicación no apartado de Transparencia e Goberno aberto da Xunta de Galicia, dentro da Normativa en tramitación, da apertura do prazo para formular suxestións ao Proxecto de decreto polo que se aproba o Regulamento da Lei 7/2008, do 7 de xullo, de protección da paisaxe de Galicia da Consellería de Medio Ambiente, Territorio e Vivenda.

read more…

Solicitude de modificación remitida polo COAG a Nauta Sanxenxo

COAG remite escrito a Nauta Sanxenxo solicitando a modificación da interpretación que viña ofrecendo -a través das respostas ás consultas feitas polos interesados en participar-  da cláusula 11.1 do prego de bases en relación á acreditación da solvencia económica e financeira ao obxecto de admitir, clarificar e difundir, para xeneral coñecemento dos potenciais licitadores, que as sociedades profesionais poden acreditar a súa solvencia económica e financeira mediante a existencia dun seguro de responsabilidade civil por riscos profesionais.

O día 19 de febreiro Nauta Sanxenxo comunicou ao COAG que, acollendo a nosa petición, procederon a publicar as aclaracións correspondentes no perfil do contratante no documento baixo o título “PREGUNTAS 7”.

Escrito COAG