Curso de Eficiencia enerxética en rehabilitación de edificios

28 Xaneiro 2022

A Escola Aberta de Formación Permanente da Universidade de Vigo anuncia este curso de Posgrao, que pretende ofrecer ao alumno unha visión ampla das últimas técnicas existentes para conseguir a eficiencia enerxética dos edificios, en especial á hora de proxectar a rehabilitación dos mesmos.

Para iso, introdúceselle no mundo do BIM e como pode ser empregado para o cálculo dos aforros en demandas enerxéticas, así como para a certificación dos edificios e o seu cumprimento do código técnico da edificación.

Continuaranse explicando as diferentes medidas pasivas que se están aplicando hoxe en día, xunto con ferramentas que permitan calculalas, executalas e realizar o seu orzamento. Céntrase, especialmente, no illamento e a redución de pontes térmicas.

O bloque sobre medidas activas introduce ao alumno no mundo da monitoraxe de edificios e a súa relación coas instalacións. Tamén se expón o cálculo e orzamento dunha instalación de ventilación mecánica, que axude a conseguir os obxectivos que expón o código técnico da edificación. Este bloque inclúe, ademais, a iniciación ao mundo das instalacións fotovoltaicas, con ferramentas de cálculo que proporcionan o potencial fotovoltaico dos edificios. Nun último capítulo deste bloque, móstrase como afecta a carga do vehículo eléctrico á instalación eléctrica dos aparcamentos do edificio.

Para finalizar o curso exponse ao alumno como optar ás axudas de rehabilitación de vivendas.

Entidades organizadoras

Escola Aberta de Formación Permanente

Información sobre o calendario (datas)

Período de preinscrición 26/10/2021 00:00 – 17/02/2022 23:59
Período de matrícula 21/11/2021 00:00 – 17/02/2022 23:59
Período de docencia 18/02/2022 – 26/03/2022

Prazas e créditos

Número mínimo de participantes 26
Número máximo de participantes 32
Créditos teóricos 2.8
Créditos prácticos 2.2
Créditos ECTS 5
Validación de libre elección 0

Destinatarios/as

Estudiantes de enxeñería e arquitectura, titulados universitarios, profesionais de perfil técnico interesados/as en incorporar coñecementos sobre eficiencia enerxética en rehabilitación de edificios ao seu currículum.

Máis información.

Compartir