Este taller on line está orientado á xestión de pequenos estudos de arquitectura (entre 1 e 5 persoas) e ten como obxectivo que os alumnos adquiran coñecementos e habilidades para:

• Coñecer e xestionar ferramentas de comunicación dixital que permitan establecer a rastrexabilidade das comunicacións relacionadas cos diferentes proxectos e traballos do estudo.
• Aprender a xestionar as comunicacións con colaboradores internos, así como con potenciais colaboradores ou axentes externos para a organización para que estean integradas de xeito eficiente na propia canle de comunicación do estudo.

Para a aplicación práctica do contido do curso, empregarase a versión gratuíta da ferramenta Slack. Continuar lendo →

Fotografía: Ana Amado
O obxectivo deste taller é explorar as posibilidades e os límites que ten a fotografía de arquitectura, analizando, por unha banda, a obra de autores de referencia e por outro, as ferramentas técnicas e a narrativa da reportaxe fotográfica á hora de comunicar como é un edificio, como se relaciona co seu contexto físico ou que ideas e sensacións espaciais transmite.

A fotografía estivo íntimamente ligada á arquitectura desde as súas orixes. A imaxe fotográfica foi, e o é na actualidade máis que nunca, indispensable para o estudo da arquitectura, especialmente da arquitectura contemporánea.  A fotografía pasou de ser unha ferramenta de traballo ou un apoio gráfico da arquitectura, a constituír a principal vía de difusión da mesma, ata o punto de poder chegar a influír no mesmo deseño arquitectónico, ao ser concibido desde a súa potencial fotoxenia. Continuar lendo →