Documentación básica de referencia sobre o Bordo Litoral Portuario da Coruña

---

Actualizada a 30 de maio de 2025

Convocatoria do Concurso Internacional para a realización do “Máster Plan Coruña Marítima”. Prazo até o 1 de agosto de 2025.

https://www.corunamaritima.com/w/en-marcha-el-concurso-de-coru%C3%B1a-mar%C3%ADtima

Bases do Concurso Internacional para a realización do “Máster Plan Coruña Marítima”.

Web de contratación do Estado

---

Alegación conxunta ao Documento inicial das Bases estratéxicas para o desenvolvemento do Proxecto Coruña Marítima, impulsada por Defensa do Común e asinada por Defensa do Común, Asociación Veciñal de Atochas-Monte Alto, Campo da Pena de Palavea, AV Eirís, AV. Agra do Orzán, AV Iar do Castrillón, AV de Feans, AV de Labañou, AC Alexandre Bóveda, AC O Facho, AC Gomes Gaioso, AC Vieiros de Oleiros, AC Roxím Roxal de Paderne, AC Eira Vella de Betanzos, Cultura Aberta de Carral, Comité de Defensa das Rías Altas, Confraría de Pescadores, CIG, CCOO, CGT, Vangarda Obreira, Galiza Nova, XCG, Erguer, Forum Propolis, Irmandade Moncho Valcarce, Plataforma en Defensa da Ría de Sada e Betanzos, ADEGA, Ergosfera, Hábitat Social, ASPG, Alternativa dos Veciños, Unión Republicana, Marea Atlántica, Sada Maioría, Podemos, Anova, Verdes Equo, Movemento Sumar, BNG.

DC Coruña Marítima alegación conxunta 26 marzo 2025

---

Facilítase aquí o enlace de consulta ao documento inicial das “BASES ESTRATÉGICAS PARA EL DESARROLLO DEL PROYECTO CORUÑA MARÍTIMA” <https://www.corunamaritima.com/gl/gobernanza>, publicitado anteriormente como Concurso Internacional para la redacción del Máster Plan Coruña Marítima, informando de que se abriu o prazo dun mes, até o 7 de abril, para o envío de suxerencias a este documento; estas suxerencias serán canalizadas nun buzón que está aberto na páxina: <https://www.corunamaritima.com/gl/>.

Informáse tamén de que este documento de bases determinará en boa medida o futuro do Porto da cidade, infórmase igualmente de que non está vinculado a un proceso de participación previa, e, por último, infórmase de que o citado documento, que presenta importantes carencias, foi aprobado pola Comisión Coruña Marítima, creada, segundo consta na páxina web de Coruña marítima, «al objeto de desarrollar el Protocolo para la reordenación de la Fachada Marítima de A Coruña: Proyecto “Coruña Marítima”».

Tal e como se anunciaba a través dos medios de comunicación, o conxunto de Administracións reunidas na Comisión Fachada Marítima optan nestas bases por un procedemento de adxudicación restrinxido a 5 candidatos, o mínimo legal, sendo un dos apartados a valorar a «solvencia económica y financiera que se justificará mediante el volumen anual de negocios en el objeto del contrato y por la suscripción de un seguro de responsabilidad civil». Este procedemento de adxudicación restrinxido, que non se atopa xustificado, producirá previsiblemente unha barreira dificilmente superable para os colexiados/as locais, favorecendo a outro tipo de actores, tal e como xa manifestamos na nosa comparecencia diante da Comisión Especial da Fachada Marítima.

Sendo así, e pola importancia deste documento, lembramos a importancia de enviar suxerencias ao contido do mesmo e lembramos tamén que existe un apartado na páxina da Delegación da Coruña onde se vai colgando documentación de referencia relativa ao Bordo litoral portuario, para poder profundizar neste asunto: <https://portal.coag.es/acoruna/documentacion-basica-de-referencia-sobre-o-bordo-litoral-portuario-da-coruna/>