Publicado na Plataforma de Contratación do Sector Público, con data 11 de maio, o fallo do xurado deste Concurso, no que saíu premiada a proposta “XEITO 8”, dos arquitectos Rodrigo Martínez García e Arturo Menduiña Hernández da sociedade Baile Menudiña, S.L.P.
Así, as propostas gañadoras foron:
| PREMIO | LEMA | IDENTIDADE E EQUIPO |
| Primeiro Premio (12.100 € IVE incluído, con carácter de pagamento a conta dos honorarios do contrato de servizos) |
XEITO 8 | Autor: Rodrigo Martínez García. Autor: Arturo Menduiña Hernández. Sociedade: BAILE MENDUIÑA, SLP. |
| Segundo Premio (7.500 € IVE incluído) |
NA1846 | Autor: Antonio Álvarez-Cienfuegos Rubio. Sociedade: Estudio arquitectura HAGO, S.L. |
| Terceiro Premio (5.000 € IVE incluído) |
BATEA DO BOSQUE | Autora: María Vittoria Tesei. Autor: Flavio Martella. Sociedade: MOCA estudio arquitectos, S.L.P. |
| Primeiro accésit (2.500 € IVE incluído) |
ACU3DUTO | Autor: Ignacio Senra Fernández-Miranda. |
| Segundo accésit (2.500 € IVE incluído) |
NLTH3 | Autor: Pablo Otero Sánchez. |
PRIMEIRO PREMIO: XEITO 8
Estética contundente e a unha intelixencia proxectual que ofrece unha resposta equilibrada ao programa e intervención obxecto do concurso. O anteproxecto defínese mediante un volume rotundo que concentra a maior parte do programa baixo unha gran cuberta inclinada a catro augas con acabado de pizarra negra, material altamente sostible, que evoca a tradición construtiva da Galicia máis atlántica. Malia a súa aparente tectonicidade e peso, a cuberta amosa unha sorprendente levedade ao parecer flotar mediante amplos voos sustentados unicamente por oito piares circulares, xesto que lle outorga unha elegancia formal única e unha imaxe de gran potencia icónica.
Espazo multifuncional de carácter semiaberto, destaca pola súa capacidade para protexer gran parte dos usos simultaneamene baixo cuberto, sen sacrificar a conexión directa coa contorna. A estratexia de implantación, baseada nunha escavación controlada, permite resolver a accesibilidade total de forma natural e fluída, sen necesidade de elementos mecánicos de comunicación vertical.
A nivel técnico, sobresae a aposta pola eficiencia, integrando con acerto o tratamento e reutilización das augas pluviais, a ventilación natural e a autosuficiencia enerxética do conxunto. No seu interior, a proposta mantén o rigor e o coidado presente no seu exterior, definindo uns espazos elegantes e sobrios que consolidan este equipamento como unha referencia de arquitectura de alta sensibilidade e eficiencia.
PANEL: XEITO 8 – PANEL
SEGUNDO PREMIO: NA1846
Destaca pola súa extraordinaria capacidade de mimetización e integración paisaxística, definindo unha estratexia de intervención que aposta polo silencio visual e a contención formal. A proposta sitúa a pista principal nun nivel deprimido respecto á cota de acceso, unha decisión de proxecto que permite estender unha cuberta axardinada en continuidade coa propia pista, garantindo así que a visión dos corredores permaneza totalmente despexada e libre de obstáculos arquitectónicos. Esta configuración soterrada non só minimiza o impacto visual da peza desde o exterior, facéndoa case imperceptible na contorna fluvial, senón que logra crear un microclima singular no seu interior. A intervención complétase cun rigoroso e interesantísimo estudo de especies vexetais que aspiran a transformar o recinto nun auténtico reduto de biodiversidade, aportando un valor ecolóxico que transcende ao uso deportivo. Fronte a outras solucións semiabertas, NA1846 opta por unha estructura limpa e sinxela que define un espazo pechado de calidade, onde a arquitectura renuncia ao protagonismo para converterse en xeografía, consolidando un ágora como espazo deportivo e de lecer que se percibe como un baleiro esculpido no propio terreo.
PANEL: NA1846 – PANEL
TERCEIRO PREMIO: BATEA DO BOSQUE
Destaca pola súa potencia formal, ao trasladar un elemento da paisaxe mariñeira galega á contorna fluvial a través dunha linguaxe arquitectónica contemporánea. A reinterpretación da “batea” non se queda no plano estético, senón que se converte nunha solución técnica de gran atractivo, proporcionando unha cuberta de gran luz que dota de unidade e escala ao programa deportivo. O proxecto proporciona unha permeabilidade visual que protexe fronte á climatoloxía adversa sen renunciar á sensación de exterior, facilitando unha práctica deportiva inclusiva en contacto directo coa natureza. Singularidade formal que garante o carácter de edificio público recoñecible, achegando unha calidade estética que dignifica o espazo deportivo. Arquitectura pasiva que procura a eficiencia enerxética, e con vocación de significación como unha referenza icónica do municipio.
PANEL: BATEA DO BOSQUE – PANEL
PRIMEIRO ACCÉSIT: ACU3DUTO
O proxecto destaca pola acertada sutura do paseo fluvial do Río Muiños co espazo deportivo proxectado. A disolución dos límites entre recinto deportivo e a fronte fluvial, conformando unha continuidade de uso volcado á natureza, outorgan un alto valor integrador á proposta.
Sinxeleza construtiva, respectuosa resolución do ciclo da auga, implementación de superficiesdrenantes e vexetación específica para unha proposta de excelente valor paisaxístico.
O desenvolvemento do programa no nivel de acceso o converten nunha actuación altamente inclusiva e versátil, que pode actuar como espazo mixto de lecer e deportivo, transcendendo a súa función específica para converterse nunha plataforma de mediación paisaxística que pon en valor a fronte de auga como activo público.
PANEL: ACU3DUTO – PANEL
SEGUNDO ACCÉSIT: NLTH3
O xurado valora positivamente a calidade do deseño plantexado. Espazo principal cuberto, con presenza no territorio e programa funcional dividido entre usos auxiliares e uso deportivo multifuncional. Mínima intrusión no terreo, que reduce os movementos de terra e favorece a máxima accesibilidade do complexo, con rampas e recorridos amables que invitan á práctica de deporte plenamente inclusivo, sen necesidade de instalación de ascensor.
Sistema estrutural protagonista, que transmite lixereza e transparencia visual, luminosidade e diálogo coa natureza da contorna. O anel de atletismo intégrase creando un espazo público de deporte, convivenza e natureza, que transmite elegancia, sutileza e arquitectura de calidade.
PANEL: NLTH3 – PANEL