Curso de Rehabilitación de estruturas de madeira

9 Nov 2023

O obxectivo deste curso é, dende un enfoque eminentemente práctico plantexar os fundamentos da rehabilitación das estruturas de madeira. O contido deste curso profundiza e amplía o apartado de rehabilitación exposto polo profesor Manuel Touza no curso de Introducción ás estruturas de madeira, desenvolvido nos pasados meses de setembro e outubro

Plantearanse os principios de diagnose de patoloxías en estruturas de madeira e expoñeranse varios exemplos de intervención repasando así mesmo as tipoloxías estruturais máis habituais presentes en Galicia.

Estes contidos complementaranse ca explicación in situ das intervencións levadas a cabo no Mosteiro de Santa María de Xunqueira de Espadañedo e o Mosteiro de Santo Estevo de Ribas de Sil. Teremos a posibilidade de coñecer estas actuacións e aprenderemos a forma e manexo de ferramentas de medición especializadas.

Estas visitas serán gravadas, de maneira que sexa posible asistir presencialmente ou visualizalas en diferido.

O curso estruturarase nos seguintes bloques temáticos:

  • XORNADA 1: DIAGNOSE DE PATOLOXÍAS EN ESTRUTURAS DE MADEIRA. HISTORIA CONSTRUTIVA E EXEMPLOS DE INTERVENCIÓN.
  • XORNADA 2: EXEMPLOS DE INTERVENCIÓN (CONTINUACIÓN) TIPOLOXÍAS ESTRUTURAIS MAIS HABITUAIS EN REHABILITACIÓN.
  • XORNADA 3: XORNADA PRÁCTICA. VISITAS A DOUS EDIFICIOS REAIS.

Matrícula e prezos

Existirán dúas modalidades de matrícula:

  • Participando na visita presencial. O aforo está limitado a 30 plazas, que se asignarán por rigurosa orde de matriculación.
  • En diferido: As visitas serán gravadas. A gravación porase a disposición dos alumnos a través da plataforma web do curso.

O curso conta coa financiación de XERA, polo que os prezos de matrícula para colexiados son especialmente reducidos. Os prezos para ambas modalidades son:

  • Matrícula ordinaria: 60 euros
  • Arquitectos colexiados: 30 euros
  • Arquitectos colexiados subscritos ao servizo de formación: 15 euros

Metodoloxía

  • Flexibilidade para o alumno.
  • Enfoque práctico.
  • Certificado de aproveitamento.
  • O curso desenvólvese en modalidade online, utilizando como soporte a plataforma de formación en liña do COAG (moodle.coag.es). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
Aforo e prazos de matrícula:
O aforo é limitado para ambas modalidades, especialmente para a matrícula con visita presencial.
  • Prazo preferente de matrícula (exclusivo para colexiados COAG subscritos ao servizo de formación): ata o domingo 12/11/2023 ás 23:59 h, ou ata esgotarse as prazas dispoñibles.
  • Todas as modalidades: dende as 23:59 h do domingo 12/08/2023 ata o mércores 15/11/2023 ás 23:59h, ou ata esgotarse as prazas dispoñibles. 

Programa completo e matrícula

No programa completo, que pode consultarse a continuación, descríbese a metodoloxía e explican as actividades que integran en curso e a súa temporización e modalidades de seguimento.

 

Compartir