A vivenda, a debate (Eleccións Xerais 29N)

19 Nov 2026

Este próximo mércores 25 de novembro a Delegación de Lugo do Colexio Oficial de Arquitectos de Galicia (COAG) impulsa a organización dun debate electoral centrado exclusivamente na cuestión da vivenda, de cara ás eleccións xerais do vindeiro 29 de novembro.

O obxectivo desta iniciativa é que os candidatos ao Congreso pola nosa provincia, Jaime de Olano (PP), Jorge Bustos (PSdeG-PSOE) e Iago Suárez (BNG), expoñan as súas propostas poñendo o foco nas necesidades e realidades específicas de Lugo. Trataranse temas como o acceso á vivenda e o mercado provincial; a rehabilitación, a vivenda baleira e o reto demográfico; ou o planeamento, a xestión administrativa e a calidade arquitectónica.

A moderación correrá a cargo da presidenta da Delegación de Lugo, Carmen Figueiras Lorenzo.

Actividade aberta ao público (entrada libre ata completar aforo).

📅 25 de novembro de 2026

🕗 20:30 h (duración aproximada: 1 hora)

📍 Casa do Saber (Pr. Pío XII, 27001 Lugo)

🌐 portal.coag.es

Compartir