Todas as persoas colexiadas no COAG que, estando na súa plenitude de dereitos, o soliciten poden formar parte da AGAU-COAG.
Para poder participar das próximas eleccións é necesario tramitar a inscrición antes do día 19 de xuño ás 14h, xa que segundo indica a disposición transitoria segunda do regulamento, a convocatoria destas primeiras eleccións será aprobada en Xunta de Goberno (a celebrar o 19 de xuño en horario de tarde).
Pódese tramitar a inscrición, accedendo coas credenciais colexiais, no seguinte ENLACE
Na convocatoria de eleccións quedará establecido o prazo de presentación de candidaturas, período de campaña electoral e data da votación.
Para a proposta de datas a establecer na convocatoria, tomáronse en conta as conclusións xurdidas da reunión da AGAU do 23 de maio.
Recordamos que a inscrición, que para este ano 2024 é de balde, é necesaria para ser persoa integrante da agrupación e permite, entre outras cuestións:
- Asistir e dirixir propostas nas Asembleas Xerais da Agrupación con voz e voto.
- Ser elixido/a como persoa integrante da Xunta Directiva da Agrupación.
- Elixir a Xunta Directiva da Agrupación segundo se prevé no Regulamento.
- Propoñer suxestións e/ou propostas á Xunta Directiva da Agrupación.
- Participar nas actividades da Agrupación e ser informado delas.
Pódese obter máis información sobre a AGAU no seguinte enlace: