Como é tradicional nestas datas, o vindeiro xoves día 22 de decembro, ás 19.00 horas, a Delegación de Ferrol do Colexio Oficial de Arquitectos de Galicia organiza a súa conferencia e coloquio de Nadal 2022.
Nesta conferencia titulada CASTILLO DE SAN FELIPE [OBRAS REALIZADAS] queremos compartir as intervencións levadas a cabo nesta fortificación defensiva emprazada na boca de entrada da Ría de Ferrol cuxo orixe data do século XVI, obra mestra da arquitectura militar española e declarado Ben de Interese Cultural (BIC).
Para iso contaremos coa participación dos nosos compañeiros José Alejandro Romero Alonso, Manuel Amable Romero Pérez e Ramón Montero Cereijo que nos falarán dos seus proxectos de Adecuación da Nave de Cureñas e de Rehabilitación da Torre do Século XIX da Batería Baixa respectivamente. Ámbalas pezas destínanse na actualidade a usos expositivos dentro do recinto do Castelo de San Felipe. Ao finalizar a conferencia levarase a cabo un coloquio, finalizando a xornada cun aperitivo de Nadal que permita continuar a charla.
A conferencia levarase a cabo na Sala de Exposicións da Delegación (Avenida de Esteiro 129, baixo).
A asistencia é libre e gratuíta, sendo necesaria a inscrición a través desta LIGAZÓN.