Xentes, Espazos e Lugares é un programa de divulgación e formación non regrada, dirixido á cidadanía en xeral, conformado por un conxunto de charlas que teñen por obxectivo ofrecer unha visión plural e complexa dos espazos e os lugares que habitamos, tendo moi presente como se desenvolve neles a nosa vida.
Busca ser un punto de encontro e reflexión no que podan estar presentes todas aquelas persoas e institucións e colectivos que teñan algo que decir sobre a complexidade do habitar no presente e no noso país.
Xentes dos campos da arquitectura, urbanismo, xeografía, arte, socioloxía, xornalismo, escrita, docencia, dos colectivos cidadáns… son convidadas a compartir as súas reflexións sobre como foi e como é a nosa interacción co medio natural e construído, e como xorden e se modifican os espazos que habitamos ao longo do tempo.
O que nos reune nestas xornadas é o interese compartido nos temas que afectan á colectividade maís aló de compromisos profesionais específicos, tendo as intervencións un carácter marcadamente divulgador e coloquial.
O programa desta edición incide en temas como os novos retos das cidades e vilas intermedias, o actual papel das aldeas na nosa organización social e territorial e as necesidades da vivienda contemporánea.
As xornadas da edición deste ano 2025 desenvolvense en Ferrol, A Coruña, Santiago e Vigo, completando (coas do ano pasado realizadas en Ourense, Lugo e Pontevedra) o percorrido polas principais ciudades de Galicia.
Nas xornadas desta edición incidese na relación entre a arquitectura e natureza que conforma as nosas paisaxes construidas.
Organiza: Colexio Oficial de Arquitectos de Galicia e Axencia de Protección da Legalidade Urbanística dentro do Convenio do ProxectoTerra de colaboración coa Xunta de Galicia.
XENTES, ESPAZOS E LUGARES 2025 _ ARTE, ARQUITECTURA E NATUREZA NAS PAISAXES QUE HABITAMOS
FERROL _ “O audiovisual como método de recoñecemento do territorio”
Xoves, 20 de Marzo as 17:00h no Centro Cultural Torrente Ballester (R. Concepción Arenal, s/n, 15402 Ferrol)
- Moderador:
- Manuel Gonzalez _ Profesor do Audiovisual e investigador sobre as orixes do cinema documental en Galicia
- Poñentes:
- Elisa Gallego _ Arquitecta e fotógrafa
- Lois Patiño _ Director de Cine
A CORUÑA _ “Arte e a arquitectura. Intervencións no espazo e na paisaxe”
Xoves, 27 de Marzo as 17:00h na Fundación Luis Seoane (Rúa San Francisco, 27, 15001 A Coruña)
- Moderadora:
- Marisa Sobrino _ Profesor da Universidade de Santiago de Compostela
- Poñentes:
- Monica Alonso _Artista e membro da RAG
- Fernando Blanco Guerra _ Arquitecto e artista multimedia
SANTIAGO _ “A arquitectura como instrumento de relación coa Natureza”
Xoves, 24 de Abril as 17:00h no Museo das Peregrinacións (Praza das Praterías, 2, 15704 Santiago de Compostela)
- Moderadora:
- Maria Fandiño _ Arquitecta
- Poñentes:
- Carme Pinos _ Arquitecta
- Covadonga Carrasco e Juan Creus _ Arquitectos
A asistencia é gratuíta, sendo precisa a inscrición no seguinte ENLACE.
A Xornada de “Xentes Espazos e Lugares” de Santiago toma o seu título dunha cita de Juan Navarro Baldeweg que defendía que a arquitectura debe ser sempre “un instrumento onde soa a vida” e que para o noso benestar a arquitectura debe permitir esa necesaria relación co lugar e a natureza. Para falarnos desa relación entre arquitectura e natureza contaremos con dous breves relatorios de Carme Pinós e do equipo formado por Juan Creus e Covadonga Carrasco, estudos cunha moi ampla e recoñecida traxectoria profesional cuxas intervencións van ser presentadas e moderadas pola arquitecta e paisaxista María Fandiño.
Carme Pinos non só é unha das máis destacadas representantes da arquitecta española contemporánea (como quedou referendado no Premio Nacional de Arquitectura que recibiu en 2021) senón que conta cunha gran proxección fóra do noso país, xa que ten obras en: Francia, Austria, México ou Australia, e foi profesora en: Düsseldorf, Harvard e Columbia. A súa ampla traxectoria conta con numerosos recoñecementos internacionais, sendo unha firme candidata ao premio Pritzker.
Actualmente Pinos está a iniciar dous proxectos en Galicia entre os que destaca a rehabilitación do Pazo de Lourizán en Pontevedra, unha construción que exemplifica ben esa atemporal relación entre a arquitectura, a paisaxe e esa natureza recreada que son os xardíns.
Entre os seus múltiples proxectos tamen debemos suliñar os de reforma e creación de espazos públicos e dentro deles podemos citar os seus parques: Palma de Mallorca, Saint-Dizier, Melbourne… paseos marítimos e intervencións litorais: Sitges, Torrevieja, Santa Pola… nos que o construído dialoga co lugar e coa natureza preexistente.
Un tipo de proxectos que tamén abordaron con frecuencia Covadonga Carrasco e Juan Creus, como quedou recentemente reflectido na súa premiada intervención (en colaboración co estudo rvr) de rexeneración do espazo dunar de Porto do Son, recente Premio Coag 2025 na categoría de Paisaxe, unha intervención que completa a da fronte portuaria desta mesma localidade, Premio Europeo do Espazo Público Urbano 2024 na categoría de frontes marítimas. O que nos mostra como, aínda que o seu estudo optou por restrinxir as súas actuacións ao noso ámbito territorial, isto non impediu o amplo recoñecemento da súa obra máis aló de Galicia.
A presentación dos relatores e a encargada de moderar o coloquio final será María Fandiño unha destacada arquitecta que completou a súa formación inicial na UDC coa súa master en Arquitectura da Paisaxe na Universitat Politècnica de Catalunya en 2016 e que é autora do premiado Acondicionamento dos espazos públicos da Chaira do Horizonte en Porticelo en Pontevedra, Premio Sustentabilidade e Saúde: Valores universais do Consello Superior de arquitectos de España no ano 2022.
VIGO _ “A paisaxe construida entre o rural e o urbano”
Mércores, 30 de Abril na Delegación de Vigo do COAG (Rúa do Doutor Cadaval, 5, Santiago de Vigo, 36202 Vigo, Pontevedra)
- Moderadora:
- Cristina García Fontan _ Arquitecta e profesora da UDC especializada en paisaxe
- Poñentes:
- Alfonso Díaz Revilla _ Arquitecto e Urbanista. Profesor da UDC
Esperámosvos! [+info]