Agrupación Galega de Arquitectos e Arquitectas nas Administracións Públicas
Eleccións Xunta Directiva
Según se indica na Circular 28 2024, con data 19 de decembro se convocaron eleccións para cubrir todos os postos da Xunta Directiva da Agrupación Galega de Arquitectos e Arquitectas nas Administracións Públicas do Colexio Oficial de Arquitectos de Galicia, excepto o de Vogal que designa a Xunta de Goberno.
Calendario electoral:
- Fixa-la data do 13 de marzo de 2025 para a celebración dos comicios, en horario de 9:00 a 19:00 horas.
- Establecer que as candidaturas deberán presentarse antes das 14:00 horas do 13 de febreiro de 2025.
- A proclamación das candidaturas pola Xunta de Goberno, dará comezo ao período de campaña electoral.
Os elixidos para os cargos de Xunta Directiva, desempeñarán os mesmos ate marzo do ano 2029 (4 anos).
Máis información na Circular 28 2024.
Conforme ao previsto na circular 28/2024, lémbrase que o vindeiro 13 de marzo de 2025 terán lugar as eleccións para seleccionar á Xunta Directiva da Agrupación Galega de Arquitectas e Arquitectos nas Administracións Públicas do COAG.
Nesa mesma circular, indícase que son electores todas as persoas colexiadas inscritas na Agrupación na data da convocatoria e non suspendidas nos seus dereitos e que, convocada unha elección, as listas de electores poñeranse de manifesto, á disposición de tódolos agrupados, para a formulación de reclamacións sobre inclusións ou exclusións.
O censo pódese consultar no seguinte enlace:
O prazo para formular reclamacións será de oito días, a contar desde o 22 de xaneiro, remitindo un correo electrónico a: secretaria@colexiodearquitectos.org
As reclamacións que serán resoltas; pola Xunta de Goberno na mesma sesión na que se acorde a admisión de candidaturas e, en todo caso, no prazo de trinta días. As listas definitivas de electores poñeranse á disposición das candidaturas proclamadas.
QUE É?
A AGAAP é a Agrupación Galega de Arquitectos e Arquitectas nas Administracións Públicas do Colexio Oficial de Arquitectos de Galicia.
PARA QUE SE CREA A AGAAP?
A creación da AGAAP realizouse a iniciativa da Xunta de Goberno, acollendo a inquietude dun grupo de arquitectos e arquitectas que traballan nas administracións públicas que advertían da necesidade de dispoñer dun ente que os representara, que os defendera, e que propiciara un entorno no que poder relacionarse cos/as compañeiros/as doutras administracións públicas.
Por unha banda, a AGAAP supón unha oportunidade para constituírnos formalmente, que nos represente como colectivo e coa que defender os nosos intereses profesionais, considerando que a nosa modalidade de exercicio profesional presenta unhas características e problemáticas particulares que merecen unha atención especializada, tanto dentro como fóra do COAG.
Por outra banda, a AGAAP aspira a facilitar e impulsar o encontro entre compañeiros/as con circunstancias semellantes, de modo que tamén pretende favorecer a cohesión entre os arquitectos e arquitectas que traballamos nas diferentes administracións de Galicia, promovendo a nosa interacción, intercambio de opinións, de información e apoio corporativo.
COMO SE CREOU A AGAAP?
O pasado 28 de maio, a Xunta Xeral Extraordinaria aprobou o Regulamento da “Agrupación Galega de Arquitectos e Arquitectas nas Administracións Públicas” do Colexio Oficial de Arquitectos de Galicia. En virtude dos estatutos do COAG, esta aprobación definitiva determinou a constitución da agrupación.
Actualmente é unha agrupación en proceso de xestación e definición. Polo momento unicamente se deron os pasos mínimos e imprescindibles para poder convocar un proceso electoral que dea lugar á primeira Xunta Directiva electa.
Podes consultar os seguintes documentos relativos á súa creación nos seguintes enlaces:
- Regulamento da AGAAP
- Acordo de creación da comisión xestora da “Agrupación Galega de Arquitectos e Arquitectas nas Administracións Públicas” Circular 24/2023.
- Convocatoria e acordo da Xunta Xeral extraordinaria celebrada o 28.05.2024 sobre a aprobación do regulamento da “Agrupación Galega de Arquitectos e Arquitectas nas Administracións Públicas” Circular 09/2024 e Circular 10/2024
CALES SON OS REQUISITOS PARA FORMAR PARTE DA AGRUPACIÓN?
O regulamento da AGAAP establece as condicións das persoas integrantes no seu artigo 8. En resumo, os requisitos son:
- Estar colexiado/a
- Prestar servizo en calquera administración pública ou universidade pública (funcionario/a de carreira, interino/a, ou contratado/a en réxime laboral, ou por sentenza, excluído o persoal eventual)
- Non desenvolver actividades privadas de índole profesional que correspondan ás competencias do título de arquitecto ou arquitecta (agás as autorizadas consonte á nromativa que establece o réxime de incompatibilidades)
No artigo 13 contémplase a figura de “Afín” para os arquitectos ou arquitectas relacionados co exercicio profesional nas administracións públicas en situacións distintas ás anteriores.
AGRÚPATE
A AGAAP ofréceche a oportunidade de compartir un espazo con outros arquitectos e arquitectas que tamén traballan nas administracións públicas, cos que podes coincidir en problemáticas ou inquedanzas similares, compartir intereses, e na que poderás aproximarte ao traballo que se realiza noutros ámbitos territoriais ou materiais.
Animámoste a participar coa túa voz e experiencia no impulso da agrupación que se acaba de constituír, orientando o seu funcionamento para constituír unha ferramenta útil para todos e todas.
Se reúnes as condicións para ser persoa integrante da Agrupación, podes solicitar a túa inscrición, de balde, no seguinte enlace:
solicitude de alta
Dado que un dos requisitos é estar colexiado/a, se aínda non o estás debes solicitar a colexiación. Podes consultar máis información sobre como colexiarte no seguinte enlace: Colexiación
Unha vez recibida a solicitude, a mesma será revisada pola Secretaría colexial para determinar que a mesma cumpre os requisitos de pertenza á Agrupación. En caso de que sexa preciso realizar correccións será indicada expresamente. A inscrición definitiva será confirmada mediante un correo electrónico da Secretaría colexial.
Se tes algunha dúbida escribe ao correo agaap@coag.es
AXENDA
Os seguintes pasos a seguir na conformación da AGAAP abranguen:
- A difusión da súa creación
- O inicio do proceso de agrupación por parte dos colexiados/as interesados e que reúnan os requisitos establecidos no regulamento
- A invitación para participar e concorrer ás eleccións á primeira Xunta Directiva electa da AGAAP
CONTACTO
Se queres transmitir calquera dúbida ou suxestión á AGAAP, podes facelo no correo electrónico: