O mércores 11 de marzo, ás 17:00 horas, na Delegación da Coruña do Colexio Oficial de Arquitectos de Galicia, terá lugar unha Xornada informativa sobre a pasarela ao RETA.
Esta Xornada, que é posible grazas á colaboración de ANMARQ, abordará os principais conceptos desta pasarela, o seu estado actual, así como as posibles dúbidas relativas á mesma.
A xornada contará coa participación dos seguintes relatores:
- José Javier Mancilla Millón, Arquitecto, Presidente de ANMARQ e delegado en Murcia. Compromisario de hna.
- Ana Rodríguez Luaces, Arquitecta, Vicepresidenta de ANMARQ e delegada en Galicia.
- María Luisa Saavedra Cervantes, Arquitecta, Vicepresidenta de ANMARQ e delegada en Madrid.
Conscientes da importancia, tanto económica como legal, das consecuencias ás que os arquitectos e demais colectivos de mutualistas alternativos e complementarios se enfrontan, ante os posibles cambios relativos á súa previsión social, esta xornada quere dar un paso máis para facilitar o acceso á información sobre esta problemática, a resolución de dúbidas e a toma de decisións.
Os temas a abordar serán:
- Breve introdución ao mutualismo alternativo e á súa transformación no tempo.
- Información sobre o estado da problemática e sobre o trámite dunha Pasarela ao RETA a día de hoxe.
- Aclaración das dúbidas máis habituais –dende o punto de vista da PL do goberno e dende o punto de vista de ANMARQ–
- Debate
Como documentación complementaria á xornada, facilítase aquí o enlace aos dous vídeos da anterior xornada de ANMARQ, celebrada en Lleida o 19 de febreiro de 2026:
Primeira parte, exposición do estado da cuestión, en COAC Lleida https://youtu.be/UqchCIS4Y88
Segunda parte, coloquio, en COAC Lleida https://youtu.be/3yLiQFU31Lw
DATA
Mércores 11 de marzo de 2026 – 17:00-20:30 horas
LUGAR
COAG A Coruña
Rúa Federico Tapia, 64, 15005 A Coruña
ORGANIZA
Delegación da Coruña do Colexio Oficial de Arquitectos de Galicia
ANMARQ, Asociación Nacional de Mutualistas Arquitectos