O 17 de xullo, o Concello da Coruña abriu o trámite de consulta pública, dispoñible durante 15 días (até o 7 de agosto), para que as persoas e entidades puidesen achegar as súas ideas, notificando á Delegación da Coruña do COAG a apertura deste proceso consultivo, polo interese da mesma para os colexiados/as.
O obxectivo desta ordenanza é «regular os criterios de intervención nos edificios cos sistemas de illamento segundo as características e localización na contorna urbana; compatibilizando a necesaria mellora das edificacións coa conservación da imaxe da cidade, a percepción das nosas rúas e conxuntos urbanos, así como do patrimonio edificado»; independentemente de que este patrimonio estea catalogado ou non.
A intención manifestada pola Concellería de Urbanismo, Rehabilitación e Vivenda é facer máis sostible e eficiente a cidade, pero tamén cunha imaxe identificable e unha calidade arquitectónica axeitada.
Segundo isto, proponse acadar os seguintes obxectivos:
-
Clasificar os edificios en categorías segundo as súas características: catalogados ou que conten con algún tipo de protección, ou que conformen conxuntos e non catalogados.
-
Regular as condicións de intervención nos edificios catalogados ou que conten con algún tipo de protección, que conformen conxuntos e non catalogados
-
Regular a intervención nos edificios singulares integrados na norma zonal 1 do PXOM.
-
Determinar o contido documental que debe achegarse coa súas solicitudes de licenza ou coa presentación das comunicacións previas de obras.
-
Axilizar a tramitación dos procedementos.
Máis información sobre o procedemento:
Enlace para enviar as aportacións ao concello:
Enlace á circular do COAG:
https://www.coag.es/circulares/2024/julio/delegaciones/coruna/coruna03-2024.pdf