A Delegación de Santiago do COAG organiza unha nova xornada de “novxs arquitectxs”, un encontro pensado para xerar un espazo de intercambio entre profesionais que están comezando a súa práctica arquitectónica.
Nesta ocasión acompañarannos tres estudos novos vinculados á cidade de Santiago. A xornada contará con breves presentacións nas que cada estudo amosará o seu traballo e compartirá unha reflexión sobre os primeiros anos de exercicio profesional e a súa relación coa profesión. A continuación abrirase un espazo de conversa e debate entre poñentes e asistentes para compartir experiencias, inquietudes e visións sobre a práctica arquitectónica.
A xornada rematará cun encontro informal para continuar a conversa e fomentar novas conexións entre as persoas asistentes.
Así mesmo, con esta xornada preténdese establecer sinerxías entre as distintas persoas participantes, así como difundir o Programa de “Mentoring para arquitectxs” que a Delegación impulsa desde o ano 2023.
PONENTES:
ESTUDIO AX
estudioax.es
BEIRA ARQUITECTURA
beiraarquitectura.com
BARBOZA BLANCO
barbozablanco.com
DATA:
Venres 17 de abril de 2026
HORARIO:
19:30 a 21:00 horas
LUGAR:
Sede Afundación
Rúa do Vilar, 19
Santiago de Compostela.
INSCRICIÓN:
En próximas datas anunciarase a apertura do prazo de inscrición.