FAENANDO é o segundo episodio da serie audiovisual EXPERIENCIAS somos arquitectAs, no que poñemos en común como foron os primeiros traballos das nosas protagonistas e como se foi desenvolvendo a súa traxectoria laboral, longa para algunhas, incipiente para outras, diversa en todos os casos.
A viaxe non é lineal, non se trata sempre de “facer proxectos”. A nosa formación, espírito e creatividade lévannos por diversos camiños que se xuntan e bifurcan, que se amalgaman con outras artes, disciplinas e facetas vitais, impregnando todos os nosos actos dese “non sei que” que levamos dentro e nos define, fagamos o que fagamos, como arquitectAs.
Carmen Rey e Karme García, K2c arquitectAs