Por mor do concurso do Conector Central da cidade de Santiago de Compostela, recentemente anunciado, a Delegación de Santiago do Colexio Oficial de Arquitectos de Galicia organiza unha serie de conferencias sobre os “Procesos de Transformación Urbana”.
A primeira das charlas será impartida por César Mosquera. Nesta conferencia abordarase o caso de éxito da cidade de Pontevedra, recoñecida internacionalmente pola súa transformación urbana, a mellora da mobilidade sostible e a calidade do espazo público. Durante a sesión analizaranse as estratexias, proxectos e resultados que fixeron posible esta transformación, ofrecendo unha perspectiva práctica e inspiradora que poderá servir como referencia para futuros procesos de transformación urbana en Santiago.
Este ciclo de charlas pretende ser un espazo de reflexión e debate sobre proxectos innovadores e experiencias transformadoras, contribuíndo á difusión de boas prácticas no ámbito urbano.
A sesión terá lugar o 4 de novembro, ás 19:30 horas, na sede de Afundación (Rúa do Vilar, 19, Santiago de Compostela).
INSCRICIÓN
Aínda que a conferencia é de libre acceso para calquera persoa interesada, é necesaria a inscrición previa para unha adecuada organización.
ACCESO AO FORMULARIO DE INSCRICIÓN
DATA:
Martes 04 de novembro de 2025
HORARIO:
19:30 a 20:30 horas
LUGAR:
Sede Afundación
Rúa do Vilar, 19. Santiago de Compostela