Os premios “Gran de Area de aportación a Arquitectura” son unha aposta do Colexio de Arquitectos de Galicia na provincia de Pontevedra e Ourense, para o recoñecemento do traballo de arquitectos, promotores, aparelladores, construtores e demais colaboradores necesarios, nas obras e proxectos de calidade desenvolvidos nas demarcacións de Vigo, Ourense e Pontevedra.

A selección realizada vai encamiñada a mostrar que a Arquitectura é posible e próxima. Que os axentes intervenientes e recoñecidos nas obras presentadas, dende a súa responsabilidade e a escala da intervención, poden aportar a que o entorno sexa mellor, e sexa expresión da cultura arquitectónica e os valores colectivos de esta sociedade e este tempo.

Os premios “Gran de Area de aportación á Arquitectura” pretenderon, sempre, ser un vehículo de comunicación coa sociedade, do que na contorna próxima, e xurdido da propia sociedade, se ten feito de calidade, como proxecto ou como obra, ao longo do ano previo.

Este ano son 69 propostas, de moi diversas escalas e localizacións, as presentadas.

Candidaturas presentadas

Pódese acceder á documentación completa de todas as candidaturas presentadas, así como aos premiados a través do seguinte enlace:

Acceder a obras presentadas

Composición do xurado e fallo

O xurado para a avaliación das obras presentadas, estivo composto polas seguintes persoas:

• D. Rafael Castro Armesto, en calidade de Presidente da Delegación en Ourense do COAG.
• D. Anselmo Villanueva Peón, en calidade de Presidente da Delegación en Pontevedra do COAG.
• D. Manuel Martínez Carazo, en calidade de Presidente da Delegación en Vigo do COAG.
• D.ª Berta Peleteiro Varela , colexiada da Delegación de Ourense seleccionado pola Xunta Directiva de Ourense.
• D.ª Ana Isabel Couto Pérez, colexiada da Delegación de Pontevedra seleccionada pola Xunta Directiva de Pontevedra.
• D. José Javier Villacé Rodríguez, colexiado da Delegación de Vigo seleccionado pola Xunta Directiva de Vigo.
• D.ª María Sonia López Calvo , colexiada seleccionada entre os premiados nos Premios “Gran de Area” das edicións anteriores, consensuado polas tres Delegacións.
• D. Abel Mares González, en calidade de Secretario da Delegación de Ourense do COAG, que actúa como secretario do Xurado, con voz pero sen voto.

O xurado selecciona como premiados 15 proxectos, non outorgándolles orde nin prevalenza no fallo, considerando todos eles premiados no mesmo rango e valoración:

A acta da reunión do xurado está dispoñible no seguinte ENLACE.