Mañá xoves día 17 de novembro, ás 19.00 horas, iniciamos a 1ª edición do //CICLO DE CONFERENCIAS //AL NORTE, que organiza a Delegación de Ferrol do Colexio Oficial de Arquitectos de Galicia.
Esta primeira conferencia centrarase na rehabilitación, tanto en contorna urbana como rural. Contaremos coa intervención dos nosos compañeiros de PLP Atelier (Ourense) e VLD Arquitectos (Ferrol), que nos falarán dos seus proxectos Casa Castromao e Vivenda Mudelos, e de Carmen Curuxeiras 20 e Pena de Embade respectivamente. Ao finalizar a conferencia levarase a cabo un coloquio, finalizando a xornada cun aperitivo que permita continuar a charla.
A conferencia levarase a cabo na Sala de Exposicións da Delegación (Avenida de Esteiro 129, baixo). A asistencia é libre e gratuita, sendo necesaria a inscrición no seguinte ENLACE.