O obxectivo do curso é elaborar, a través dun taller práctico, o Informe de Avaliación de Edificios e o Libro do Edificio existente dun edificio real. O edificio escollido para iso é o edificio Apolo, en Santiago de Compostela. O curso agrupa nun só dous cursos xa desenvoltos en outubro de 2023 sobre o Libro do Edificio Existente e xuño de 2024 sobre o Informe de Avaliación de Edificios. Ademais de reestruturar e actualizar os contidos, desenvolve algunhas materias que non se incluían nos curso anteriores, tales como:
- Os aspectos prácticos relativos á toma de datos para a elaboración do certificado de eficiencia enerxética [CEE].
- A tramitación do certificado de eficiencia enerxética [CEE] e a súa incorporación ao IEE/LEEx. Os erros máis habituais e as súas posibles consecuencias.
- As obrigas que se derivan do IEE e a tramitación, intervención administrativa e actuacións posteriores, cos seus diferentes casuísticas [IEE favorable, desfavorable, ordes de execución, situacións de risco inminente, declaracións de ruína]
Os alumnos que se matricularon no seu momento nalgún dos dous cursos anteriores contarán cunha bonificación adicional neste curso, que lles permitirá acceder á parte que non cursaron e aos contidos actualizados do curso xa realizado.
Prezos de matrícula
- Matrícula ordinaria: 140 euros
- Arquitectos colexiados: 70 euros
- Arquitectos colexiados subscritos ao servizo de formación: 45 euros
- Arquitectos colexiados matriculados nos cursos anteriores (Libro do Edificio Existente e/o Informe de Evaluación de Edificios): 50 euros
- Arquitectos colexiados subscritos ao servizo de formación matriculados nos cursos anteriores (Libro do Edificio Existente e/o Informe de Evaluación de Edificios): 30 euros
O aforo é limitado. As prazas asignaranse por rigorosa orde de matriculación.
Metodoloxía
- Flexibilidade para o alumno.
- Enfoque práctico.
- Certificado de aproveitamento.
- O curso desenvólvese en modalidade integramente on line, utilizando como soporte a plataforma de formación en liña do COAG (moodle.coag.es). Esta plataforma será o medio a través do que se canalizará toda a operativa do curso, e nela habilitaranse todas as actividades e recursos que se utilizarán.
Aforo e prazos de matrícula:
O aforo é limitado.
- Prazo preferente de matrícula (exclusivo para colexiados COAG subscritos ao servizo de formación): ata o mércores 07/05/2025 a as 12:00 h, ou ata esgotarse as prazas dispoñibles.
- Todas as modalidades: desde as 12:00 h do mércores 07/05/202 ata as 23:59h do luns 12/05/2025 ou ata esgotarse as prazas dispoñibles. O acceso ao curso en moodle.coag.es abrirase ao longo da mañá do martes 13 de maio, Comunicarase aos matriculados como acceder tanto á plataforma como aos seminarios web.
Programa completo e matrícula:
No programa completo, que pode consultarse a continuación, descríbese a metodoloxía e explican as actividades que integran o curso e o seu temporización e modalidades de seguimento, así como os requisitos para a obtención do certificado de aproveitamento do curso.