Tal e como se indicou na web colexial, entre o vindeiro 18 e 20 de maio, terá lugar en Madrid o Foro Internacional UIA 2022 ‘Affordable Housing Activation: Removing Barriers’ (Foro AHA 2022). A Xunta de Goberno acordou adquirir 100 entradas para asistir en liña ao evento, con acceso ao evento de Madrid en streaming e aos contidos dixitais do Foro AHA 2022 para repartir entre os colexiados que o soliciten seguindo o procedemento que se indica.
Durante tres días, do 18 ao 20 de maio, o Foro Internacional UIA 2022 reunirá, en Madrid, a máis de 60 expertos/ as de referencia internacional, como Odile Deck, Ben van Berkel, Stefano Boeri ou Saskia Sassen, e as representantes das principais institucións e organismos de todo o mundo para analizar o estado actual do acceso á vivenda, as barreiras que o dificultan e as posibles liñas de actuación a medio e longo prazo.
O Foro Internacional UIA 2022 xa está activo en ahamadrid.com, a primeira plataforma global sobre housing. A través da web non só pódense seguir en streaming os eventos paralelos que xa se están celebrando en todo o mundo e os relatorios e debates programados para os días 18, 19 e 20 de maio.
As entradas asignaranse por orde de solicitude aos 100 colexiados do COAG que as soliciten conforme ás seguintes indicacións.
- Poderán solicitar as entradas os colexiados persoas físicas do COAG que estén ao corrente de pagos, en plenitude dos seus dereiros como colexiados e plenamente habilitados para o exercicio da profesión de arquitecto.
- As solicitude deberán realizarse no formulario disponible no seguinte ENLACE á maior brevidade posible e, en todo caso, antes das 23:59 horas do vindeiro xoves 12 de maio.
Os interesados poderán consultar a relación de inscritos por orde de inscrición no seguinte ENLACE
Unha vez rematado o prazo, e comprobado que os inscritos cumplen os requisitos, os 100 primeiros inscritos que cumpran os requisitos indicados, recibirán o código de acceso no correo electrónico que indicasen no formulario.
Os demais inscritos pasaran a formar un listado de suplentes, ordenados por orden de inscrición. En caso de que algún dos inscritos con dereito a entrada gratuíta, finalmente desista de asistir ao evento, procederase a ofrecer a entrada aos suplentes pola orde de prelación indicado.