Este curso, organizado polo CSCAE, ten como obxectivo global dar a coñecer e ampliar o coñecemento sobre as posibilidades que a metodoloxía BIM ofrece para mellorar o día a día de calquera profesional dedicado ao exercicio da arquitectura. Este Curso está composto por 18 temas que se estruturan en 7 módulos, cunha duración de 63 horas, e será de acceso exclusivo para colexiados.
O curso desenvólvese en modalidade integramente online, mediante un sistema de aprendizaxe completamente autónomo e sen apoio docente. Na plataforma de formación en liña do COAG (moodle.coag.es) incorpórase toda a documentación e recursos dispoñibles proporcionados polo CSCAE.
A acción formativa estrutúrase nos seguintes módulos:
- Módulo 0. Introdución
- Módulo 1. BIM; papel nos contratos públicos e privados.
- Módulo 2. BIM; para que usalo e como pedilo.
- Módulo 3. O proxecto básico como punto de partida.
- Módulo 4. A colaboración como ingrediente fundamental de BIM.
- Módulo 5. Do proxecto básico á obra.
- Módulo 6. Avaliación dos modelos.
Este curso enmárcase en a FORMACIÓN EN METODOLOXÍA BIM APLICADA Á CONTRATACIÓN PÚBLICA, que leva a cabo gracias a subvención pública (Resolución do 26 de xullo de 2023, da Subsecretaría de Transportes, Movilidad y Agenda urbana, pola que se convocan subvencións en réxime de concorrencia competitiva para a formación en metodoloxía BIM (BUILDING INFORMATION MODELING) aplicada á contratación pública para 2023. «BOE» núm. 179, do 28 de xullo de 2023 – Orde TMA/94/2021, do 22 de xaneiro).
Prezos e plazo de matrícula
O prezo de formalización da matrícula é de 10 € para suscritos e de 20€ para non suscritos.
O prazo de matriculación estará aberto ata as 23:59h del 23 de abril. Para a obtención do certificado de aproveitamento, deben terse superado todos os test de autoavaliación antes das 23:59 h do martes 30 de abril.