Xornada de asesoramento_ O Klím Estimación rápida de cálculo [gráfica para axuda] Explicación gráfica de conceptos: compacidade, Qsol, jul, n50, envolvente térmica

16 Mar 2023

O servizo de asesoramento en materia de aforro de enerxía e rehabilitación enerxética do COAG organiza, o vindeiro xoves 23 de marzo, de 12:00 a 13:30, esta xornada de asesoramento on line relativa á problemática no cumprimento do Klím. 

O Klim é, en ocasións, unha das esixencias máis difíciles de cumprir, tanto en obra nova como en obras de rehabilitación nas que se renova máis do 25% da envolvente térmica.

A relación entre a superficie de opacos (máis a súa condutividade) coa de ocos pode ser un condicionante total para lograr o seu cumprimento.

Tendo en conta iso, o obxectivo desta xornada é analizar esta problemática e facilitar aos arquitectos ferramentas que permitan anticipar, de maneira áxil e rápida, un “número gordo” para saber, a priori, se a formulación construtiva proxectada cumprirá o Klím ou non.

Ademais, analizaranse distintos aspectos relativos ao cálculo da compacidade e doutros valores que relacionan superficies e volumes.

Esta xornada é exclusiva para colexiados, é precisa inscrición previa no seguinte [+ enlace].

Relatores:

  • Rafael Fernández Vale.
  • Juan M. Ferreiro Oliva.

Servizo de asesoramento en aforro enerxético e eficiencia enerxética do COAG.

Compartir