Este xoves 16 de outubro ás 13:00 horas, Sergio Manes (arqMANES), arquitecto, docente e divulgador dixital, ensinaranos novos casos prácticos de uso da intelixencia artificial.
Este #COAGconta estrutúrase en dous bloques complementarios, que responden ás distintas fases do proceso de deseño:
IA sen modelos 3D
Ferramentas accesibles que permiten pasar dun prompt ou dun esbozo a propostas de deseño útiles na fase conceptual.
IA con modelos 3D
Apoio na exploración, iteración e toma de decisións sobre o proxecto.
O obxectivo da sesión é amosar como a IA pode acompañar o 100% do proceso de deseño, non só xerar infografías.
Sergio Manes (arqMANES) é arquitecto, docente e divulgador dixital con ampla experiencia na representación arquitectónica e no uso de tecnoloxías aplicadas ao deseño. A través da súa canle e do seu labor académico difunde ferramentas innovadoras como BIM, IA e software de renderizado, sempre cun enfoque práctico e accesible para profesionais e estudantes.
Para seguir en directo a xornada, é necesaria a inscrición na seguinte [+ ligazón]
Colabora ![]()
