Miño a través dos sentidos é unha proposta divulgativa de percorridos paisaxísticos guiados polas sendas municipais de Miño. A actividade permite descubrir os valores ambientais, culturais e de deseño destes espazos a través da experiencia directa, da interpretación da paisaxe e da mirada dos técnicos que traballaron no seu desenvolvemento.
Cada percorrido ofrece unha lectura sensorial e cultural da paisaxe, conectando natureza, patrimonio e proxecto.
- Catro percorridos paisaxísticos guiados polos técnicos que traballaron no deseño das sendas.
- Duración aproximada da visita: 2 horas.
- Grupos reducidos: 15 a 20 persoas.
- Actividade apoiada polo Colexio Oficial de Arquitectos de Galicia.
Programa oficial — Turismo e Natureza de Miño
Rutas interpretativas nos Sendeiros Azuis de Miño
-
23 de agosto
Entre a Ponte do Porco e a praia da Ribeira: Rede Natura 2000, miradoiros e paisaxe sensorial.
-
30 de agosto
Visita guiada polos muíños restaurados do Río Medio e o bosque de ribeira que os rodea.
-
20 de setembro
Paseo interpretativo pola interacción entre o río e o mar nas marismas do Baxoi.
-
27 de setembro
Antigos muíños do río Xarío e espazos naturais de gran valor ambiental e paisaxístico.