O obxectivo do curso é elaborar, a través dun taller práctico, o Informe de Avaliación de Edificios dun edificio real. O edificio escollido para iso é o edificio Apolo, en Santiago de Compostela. Enlace á noticia.

Desde a delegación de Santiago do Colexio Oficial de Arquitectos anunciamos a segunda das conferencias do ciclo Próximos 2024, que terá lugar hoxe mércores 19 de xuño. Este ciclo pretende dar a coñecer traballos arquitectónicos próximos á nosa delegación, ben polo emprazamento das obras, estudos ou ben polo contexto que os envolve.  Enlace á noticia

Continuamos cunha nova edición do ciclo de charlas “Arquitecturas Ourensás” nas que descubrimos a arquitectura da provincia da man dos nosos compañeiros e das súas obras. Nesta ocasión, teremos con nós a Iago e Álvaro, de B+T arquitectos, para amosarnos a súa arquitectura. 20 de xuño ás 19,30 h. Enlace á noticia

Baños de San Xusto · Cerdedo-Cotobade · Cristina García Fontán
Infórmase que, por motivos alleos á organización colexial, é preciso cambiar a data desta visita, sendo a nova data o sábado 22 de xuño, co mesmo horario.
Enlace á noticia

O próximo mércores, 26 de xuño, ás 11:30, terá lugar unha xornada informativa sobre o Réxime Especial de Traballadores Autónomos (RETA). O obxectivo desta xornada é informar aos colexiados sobre o novo sistema de cotización para autónomos e as súas principais novidades. Enlace á noticia.

O xoves 27 de xuño terá lugar a segunda xornada do ciclo Ciclo “Arquitectura, Arquitectos e Proxectos dixitais en 2024: Mais aló do BIM”, que versará sobre o uso da Intelixencia Artificial e o Deseño Paramétrico na elaboración de proxectos de arquitectura e construción, e estará a cargo da mesma Roberto Molinos, arquitecto e Director Xeral de Modelical. Enlace á noticia.

O obxectivo desta charla – taller é dar as pautas e rutinas necesarias para mellorar a produtividade dos profesionais vinculados á arquitectura, a construción e a sustentabilidade, tanto se están a iniciar a súa traxectoria laboral coma se xa levan varios anos exercendo a profesión. Esta xornada, dirixida polo arquitecto e arquitecto técnico Lorenzó Barnó, centrarase nos patróns que é preciso adoptar para aumentar o noso rendemento laboral, investindo o tempo xusto e necesario e afastando todo aquilo que reduza a nosa eficacia profesional, e de cómo a Intelixencia Artificial pode axudarnos a ser máis eficientes. Enlace á noticia.

O pasado mércores 12 de xuño, foi presentado na EGAP pola Dirección Xeral de Urbanismo, o novo PORTAL DE TERRITORIO E URBANISMO DA XUNTA DE GALICIA. Enlace á noticia.

Publicada no Perfil do contratante da Plataforma de Contratación do Sector Público, a convocatoria da visita guiada ao ámbito de actuación para coñecer a problemática existente, así como os posibles condicionantes e valores a conservar e potenciar. Esta visita terá lugar o 21 de xuño ás 12,00 horas.
Enlace a la noticia

No DOG de 3 de xuño se anuncia a Resolución de 20 de mayo de 2024, pola que o Instituto Galego da Vivenda e Solo convoca as bolsas de formación para o ano 2024 (código de procedemento VI440D).  
Enlace á noticia

No BOE de 18 de xuño publícase a RESOLUCIÓN do 6 de xuño de 2024, do concello de Ortigueira (A Coruña), referente á convocatoria para proveer unha praza de Técnico/a superior en Arquitectura, pertencente á escala de Administración Especial, subescala Técnica e clase Superior, mediante o sistema de oposición, en quenda libre.
Enlace a la noticia

18|06|2024 Empresa con sede en Santiago, selecciona arquitecto/a colaborador autónomo para desenvolvemento de proxectos de obra nova e rehabilitación en Galicia. Enlace á noticia.

14/06/2024 Pérez y Figueroa arquitectura+gestión, selecciona arquitecto/a colaborador autónomo para o seu estudo en A CORUÑA. Enlace á noticia.

Publicado na zona de normativa o listado da Normativa, planeamento e acordos de interese publicados na primeira quincena do mes de xuño de 2024. Dito listado, estará dispoñible permanentemente no apartado da “Normativa Técnica”, ao seu carón esquerdo, e nos “documentos de apoio” da web colexial.
Enlace a la noticia