Infórmase da publicación da circular nº 10/2024 na que se recollen os acordos adoptados nas Xuntas Xerais ordinaria e extraordinaria do 28 de maio de 2024, así como os datos dos participantes nas mesmas.
Enlace á noticia.

Todas as persoas colexiadas no COAG que, estando na súa plenitude de dereitos, o soliciten poden formar parte da AGAU-COAG. Pódese tramitar a inscrición a través deste enlace, accedendo coas credenciais colexiais.
Enlace á noticia.

Como sabedes, Proxecto Terra (https://proxectoterra.coag.es/) leva case 25 anos axudando á comunidade educativa a entender o territorio como o lugar onde habitamos. Esta iniciativa do Colexio de Arquitectos de Galicia, impulsada no seu inicio por Xosé Manuel Rosales e levada a cabo co apoio da Xunta de Galicia, naceu da necesidade de sensibilizar sobre a idea de que “aprender sobre a paisaxe e a arquitectura é saber como fomos construíndo como comunidade os espazos que habitamos, aprender do pasado para proxectar o futuro, asumir con responsabilidade a xestión deste patrimonio construído herdado, para administralo con sabedoría e traspasalo con xenerosidade”. Así, a metodoloxía desenvolvida desde Proxecto Terra convida os alumnos a observar a realidade, a entender as relacións e facer a súa propia lectura sobre os lugares que habitamos, desde o convencemento de que cambiar a mirada dos máis novos é imprescindible para alcanzar un modelo territorial sostible.
Enlace á noticia.

A revisión normativa que se ven producindo no ámbito da vivenda dende o ano 2007, xunto cos recentes programas de axuda á rehabilitación residencial, xustifican que o asesoramento sexa un servizo imprescindible para exercer a profesión con garantías e enfrontarse con seguridade ao deseño das vivendas e dos edificios de vivendas.
Enlace á noticia

O xoves 6 de xuño ás 12:00 horas, Rocío Lamas Pérez-Cepeda e Manuel Ángel da Cruz Blanco explicarán en que consiste o servizo de interoperabilidade coas Administracións Públicas en relación coa documentación de traballos profesionais tramitados no Colexio.
Enlace á noticia

Dende a delegación de Santiago do Colexio Oficial de Arquitectos comprácenos anunciar que hoxe mércores 5 de xuño terá lugar a primeira das conferencias do ciclo Próximos 2024, a través do cal se quere dar a coñecer traballos arquitectónicos próximos á nosa delegación, ben polo emprazamento das obras, estudos ou ben polo contexto que os envolve.
Este primeiro relatorio terá como protagonista o estudo Müller.Feijoo Arquitectura que nos falarán dos seus principais proxectos e obras, que abarcan diferentes escalas, alcances e enfoques, desde a rehabilitación de vivendas a edificios de uso público.
Enlace á noticia.

Hoy miércoles 5 de junio, a las 19,30 horas, tendrá lugar en la Delegación de Vigo la charla de Óscar M. Ares, Finalista del Premio de Arquitectura Ascensores Enor 2023, bajo el título “Desde la memoria”, con motivo de la exposición Premios ENOR, que se podrá visitar del 29 de mayo al 10 de junio en la Delegación.
Enlace a la noticia.

Hoxe mércores 5 de xuño, ás 19:30 horas, na Delegación de A Coruña do Colexio Oficial de Arquitectos de Galicia, terá lugar a conferencia: Gaming Architectural History: Por unha resignificación do paradigma a través do videoxogo que será impartida polo arquitecto Manuel “Saga” Sánchez García, investigador no Departamento de Composición Arquitectónica da ETSAM, Universidade Politécnica de Madrid.
Enlace á noticia.

Coa proposta de coñecer as arquitecturas industriais de gran tamaño, a súa resolución construtiva e a súa interacción no territorio, a delegación en Lugo do COAG organiza unha xornada de convivencia para os/as seus/súas colexiados/as con visita ás instalacións da planta de aluminio en Cervo de ALCOA e ao estaleiro en Burela de ARMON o próximo día xoves 6 de xuño.
Enlace á noticia

O xoves día 6 de xuño, ás 19.30 horas, continuamos coa 2ª edición do //CICLO DE CONFERENCIAS //AL NORTE, que organiza a Delegación de Ferrol do Colexio Oficial de Arquitectos de Galicia.
Nesta cuarta e derradeira conferencia titulada RESISTENCIAS contaremos coa intevención do noso compañeiro valisoletano Óscar Miguel Ares (Contextos de Arquitectura e Urbanismo). Ao finalizar a conferencia levarase a cabo un coloquio, finalizando a xornada cun aperitivo que permita continuar a charla.:
Enlace a la noticia

🎙️O venres día 7 de xuño ás 17.00 h. a Delegación de Lugo convértese nun estudio de gravación. Recibimos ao podcast @BiMrras para unha gravación en directo dun dos seus episodios. Nesta ocasión contarán con un invitado especial: @antoniotort.
Enlace á noticia

Baños de San Xusto · Cerdedo-Cotobade · Cristina García Fontán
Aberto o prazo de inscrición para a última xornada do ciclo Visitando GDA [2023], que terá lugar o próximo sábado, 8 de xuño, ás 11:00 horas, na que nos achegaremos a Cerdedo-Cotobade para visitar a Recuperación patrimonial e paisaxística dos baños de San Xusto.
Enlace á noticia

El próximo martes 11 de junio, a las 19,00 horas, tendrá lugar en la Delegación de Vigo esta conferencia, tras la que se presentará el Premio Mapei a la Arquitectura Sostenible 2024.
Enlace a la noticia

A área de formación e innovación do COAG, en colaboración co COAM, organiza un ciclo de catro xornadas encamiñadas a facilitar a formación dos arquitectos en todas as materias relacionadas coa aplicación das novas tecnoloxías no exercicio profesional:
Enlace á noticia

Actualizado 03 | 06 | 24 | Tanto á luz dos fondos Next Generation, como de moitos outros tipos de programas de impulso á rehabilitación, as administracións públicas están a lanzar numerosas convocatorias de axudas e subvencións para a posta a punto dos nosos edificios de vivendas. Este informe pretende recoller todas aquelas de especial interese para o traballo do arquitecto e os usuarios finais.
Enlace á noticia

Xa están dispoñibles as novas FICHAS DE SERVIDUMES, elaboradas no marco do convenio entre a Axencia de Protección da Legalidade Urbanística (APLU) e o Colexio Oficial de Arquitectos de Galicia (COAG).
Enlace á noticia

Publicado na zona de normativa o listado da Normativa, planeamento e acordos de interese publicados no mes de maio de 2024. Dito listado, estará dispoñible permanentemente no apartado da “Normativa Técnica”, ao seu carón esquerdo, e nos “documentos de apoio” da web colexial.
Enlace a la noticia