O martes 22 de abril ás 12:00 horas, contaremos cunha breve introdución á Intelixencia Artificial, orientada a profesionais interesados en entender o seu impacto e as súas aplicacións prácticas.
Acompañaranos dous expertos de referencia:
Alberto José Bugarín Diz, Catedrático de Universidade na área de Ciencia da Computación e Intelixencia Artificial, cunha ampla traxectoria en investigación e docencia neste campo.
Rogelio Carballo Solla, arquitecto, socio fundador de arc+s arquitectura, membro fundador do podcast BIMrras, colaborador habitual do COAG en formación BIM e participante activo na comunidade GuBIM.

Enlace á noticia.

O mércores 23 de abril de 12:00 a 13:30 horas, Ana Belén García de la Fuente falaranos sobre o Informe de Validación Gráfica (IVG), un documento electrónico que recolle tanto a xeometría da parcelación proposta, como do parcelario catastral afectado e que ademais indica se o parcelario proposto respecta a delimitación que consta na cartografía catastral. Estes IVG, utilizados nas comunicacións que os notarios e rexistradores realizan ao Catastro, poden ser usados polos cidadáns como documentación no inicio de trámites catastrais que inclúan modificacións no parcelario (unións e particións de parcelas, reparcelamentos…).
Enlace á noticia.

XENTES, ESPAZOS E LUGARES 2025 _ ARTE, ARQUITECTURA E NATUREZA NAS PAISAXES QUE HABITAMOS
SANTIAGO  _  “A arquitectura como instrumento de relación coa Natureza”
Xoves, 24 de abril ás 17:00 h. no Museo das Peregrinacións (Praza das Praterías, 2, 15704 Santiago de Compostela)

• Moderadora:  

  • Maria Fandiño _ Arquitecta

• Poñentes:  

  • Carme Pinos _ Arquitecta

  • Covadonga Carrasco e Juan Creus _ Arquitectos

A asistencia é gratuíta, sendo precisa a inscrición.

Enlace á noticia.

O vindeiro xoves 24 de abril, ás 19:00 h., terá lugar na sala da Delegación colexial en Vigo (Dr. Cadaval, 5) a inauguración da mostra do compañeiro Daniel Rivoira Zecca "MI LABERINTO... Desde el interior a lo efímero", dentro das Axudas a actividades culturais 2024.

Enlace á noticia.

Coa proposta de seguir coñecendo os procesos industriais na transformación da madeira, a delegación en Lugo do COAG organiza outra xornada para as súas colexiadas e colexiados coa visita ás instalacións da planta de XILONOR, empresa galega pioneira na produción de taboleiros CLT en Galicia, e situada  no  Polígono Industrial de Coirós; Km. 565 da N VI, en Pedrapartida de Coirós, A Coruña; o próximo día martes 13 de maio ás 11:30 h.

Enlace á noticia.

Un ano máis o Colexio de Arquitectos de Galicia, en colaboración con CONSTRUMAT, pon a disposición dos seus colexiados invitacións de acceso para o encontro do sector, que terá lugar en Barcelona do 20 ao 22 de maio de 2025.
Nesta ocasión están á vosa disposición 10 invitacións Vip (guardarropía gratuita e acceso sala vip), 200 invitacións gratuitas e invitacións ilimitadas co 60% de desconto.
Enlace á noticia.

O Manual para o taller: COÑECE O TEU EDIFICIO, DÁLLE VIDA AO TEU BARRIO, que é froito do traballo da Confederación Estatal de Asociacións Veciñais (CEAV) e o Consello Superior dos Colexios de Arquitectos de España (CSCAE), ensínanos como impulsar a rehabilitación de edificios desde os barrios.

• A publicación, insere no proxecto RehabilitAcción Cidadá Local, sintetiza a aprendizaxe de catro talleres piloto celebrados, entre os meses de xaneiro e marzo deste ano, en Xetafe, Málaga, Zaragoza e Valladolid.

• O punto de partida dos talleres é a Guía veciñal de rehabilitación e compleméntase cun documento de diagnóstico e plan de acción que recolle desde as características do edificio ao vínculo co benestar, a saúde, o confort e a seguridade que senten os seus habitantes.

• O proxecto está financiado pola European Climate Foundation.

Enlace á noticia.

No BOP-A Coruña de 14 de abril, publícase o anuncio, do Servizo de Asistencia Técnica a Municipios da Deputación Provincial da Coruña, das Bases do proceso selectivo destinado á elaboración dunha lista provincial para a selección de persoal funcionario interino para prazas de arquitecto/a nos concellos da provincia da Coruña con poboación inferior a 20.000 habitantes (Grupo A1, escala de administración especial, subescala técnica, clase técnicos superiores).
Enlace á noticia.

No Bop-Ourense de 10 de abril, publícanse as Bases reguladoras da convocatoria para a constitución dunha bolsa de emprego para a provisión temporal do posto de arquitecto/a municipal no Concello do Barco de Valdeorras.
Enlace á noticia.

Publicación de la Convocatoria de Becas del Museo del Prado 2025. La convocatoria ofrece 1 beca en Arquitectura para jóvenes colegiados/as desde 2020.
Enlace a la noticia.

Infoconstrucción e DPArquitectura organizan unha nova edición das súas xornadas profesionais.
Os profesionais da construción teñen unha importante cita en Santiago de Compostela. Arquitectos, arquitectos técnicos, construtores e instaladores poderán coñecer de maneira presencial as características de interesantes e novos produtos e servizos para a arquitectura e a construción en xeral. A cita comeza ás 9:00 horas e terá lugar no Hotel Santiago Praza Coruña (Rúa do Restollal, 24)
29 de abril - Santiago de Compostela.

Enlace á noticia.

Real Decreto 164/2025, do 4 de marzo, polo que se aproba o Regulamento de seguridade contra incendios nos establecementos industriais.
O Real Decreto, que ten carácter de normativa básica, adapta o novo RSCIEI ás necesidades e ás solucións construtivas actuais e, ao mesmo tempo, alíñao co resto de normativa de produtos, instalacións e edificación.

Enlace á noticia.

No apartado da zona de normativa da web colexial, na súa marxe esquerda, os subscritores do servizo de Normativa, poden acceder á Normativa e acordos de interese publicados na primeira quincena do mes de abril de 2025 no D.O. Galicia, B.O.E, D.O.CC.EE, e nos catro BOP’s provinciais, así como en trámite de avaliacións ambientais estratéxicas abertas, e o planeamento urbanístico.

Enlace á noticia.