Publicación: 8/3/2018
Queremos agradecer vosa participación a todos os que colaborades nos nosos perfís de HaiMulleres, coa vosa axuda todos os días son 8 de marzo.
Porque segue sendo necesario visibilizar onde chegamos e todo o que falta, recoñecer o esforzo das pioneiras, das que están a liderar institucións ou na cabeza das reivindicacións, sinalar onde non hai mulleres aínda que debería, sorprendernos de que continúe o trato diferencial e contalo… Seguimos, que aínda queda moito por facer.
Hoxe día 8 de marzo de 2017, animámosvos a utilizar os “hastags” #HaiMulleres #HaiArquitectas nos vosos perfís de Facebook , Twitter ou Instagram.
Por suposto continuamos despois do 8 de marzo, e esperamos que con moitas achegas de TODOS.
Enviade vosas propostas a haimulleres@coag.es, compartirémolas na web do COAG https://portal.coag.es/ e nos perfís de Facebook, Instagram e Twitter de HaiMulleres, co ánimo de visualizar, xerar reflexión e provocar o debate.
Non somos máis nin menos, non somos mellores, nin estamos máis capacitadas, iso demostrarao o noso traballo, pero estamos aquí para quedarnos.
MulleresCOAG