As Delegacións de Vigo, Pontevedra e Ourense convocan unha nova edición dos Premios “Gran de Area”, que supoñen un recoñecemento a arquitectos e promotores, ademais doutros axentes participantes no proceso edificatorio, pola súa labor, necesariamente conxunta, para obter unha obra arquitectónica de calidade.
Ate as 14,00 h. do 26/09/2024.
Enlace á noticia.

A Delegación de Santiago do COAG convoca os Premios de Arquitectura "Próximos 2024”, que supoñen un recoñecemento a arquitectos e promotores, ademais doutros axentes participantes no proceso edificatorio, pola súa labor, necesariamente conxunta, para obter unha obra arquitectónica de calidade.
Ate as 14,00 h. do 26/09/2024
Enlace á noticia.

Conforme ao previsto na circular 11/2024, lémbrase que o vindeiro 17 de outubro de 2024 terán lugar as eleccións para seleccionar á Xunta Directiva da Agrupación Galega de Arquitectas e Arquitectos Urbanistas do COAG.
Nesa mesma circular, indícase que son electores todas as persoas colexiadas inscritas na Agrupación na data da convocatoria e non suspendidas nos seus dereitos e que, convocada unha elección, as listas de electores poñeranse de manifesto, á disposición de tódolos agrupados, para a formulación de reclamacións sobre inclusións ou exclusións.
Enlace á noticia.

Está dispoñible unha nova publicación NHV que inclúe a versión consolidada comentada das normas e as fichas gráficas de deseño de edificios de vivendas.
Enlace á noticia.

O xoves 5 de setembro ás 12:00 horas, Vicente Blanca Giménez, arquitecto da Universitat Politècnica de València, fará un percorrido pola sección HE6 Dotacións mínimas para a infraestrutura de recarga de vehículos eléctricos do CTE e aclarará as dúbidas de aplicación.
Enlace á noticia.

Este curso/taller, principalmente destinado a profesionais vencellados co mundo da arquitectura, construción e sustentabilidade, ten como obxectivo presentar as claves para mellorar a nosa produtividade e rendemento laboral, centrándose nun emprego eficiente do tempo.
Enlace á noticia.

O obxectivo principal deste curso é proporcionar aos alumnos os coñecementos e criterios prácticos necesarios para o acondicionamento acústico das edificacións. Para iso, desenvolverase tanto a definición proyectual, as solucións construtivas e o cumprimento das esixencias normativas como a execución das solucións e o control da obra executada, tanto en obra nova como en intervencións sobre edificacións existentes, rehabilitación acústica e actividades.
Enlace á noticia.

Está dispoñible en CanalCOAG a gravación da conferencia de Carbajo y Barrios “Vertical y transversal”, celebrada o pasado 18 de xullo, dentro do ciclo “Próximos 2024” organizado pola Delegación de Santiago.
Enlace á noticia.

No DOG do 7 de agosto de 2024, aparece a RESOLUCIÓN da Axencia para a Modernización Tecnolóxica de Galicia do 26 de julio de 2024 pola que se aproba a convocatoria do procedemento de concesión de subvencións para a execución de actuacións de mellora das infraestruturas de telecomunicacións en edificios (programa UNICO-Edificios) (código de procedemento AP400C).
Enlace á noticia.

Está dispoñible en CanalCOAG a gravación da conferencia de “TRESPÉS: Navegar é preciso” celebrada o pasado 4 de xullo, dentro do ciclo “Próximos 2024” organizado pola Delegación de Santiago.
Enlace á noticia.

Actualizado 01 | 09 | 24 | Tanto á luz dos fondos Next Generation, como de moitos outros tipos de programas de impulso á rehabilitación, as administracións públicas están a lanzar numerosas convocatorias de axudas e subvencións para a posta a punto dos nosos edificios de vivendas. Este informe pretende recoller todas aquelas de especial interese para o traballo do arquitecto e os usuarios finais.
Enlace á noticia.

No BOP Pontevedra de 30 de agosto, publícanse as Convocatoria, bases xerais e específicas reguladoras do proceso selectivo convocado para cubrir unha praza de arquitecto/a no Concello de Valga.
Enlace á noticia.

No BOP A Coruña de 3 de setembro, publícase o anuncio do Concello de Fene de Modificación das bases reguladoras do proceso selectivo para a creación dunha lista de aspirantes de arquitecto/a.
Enlace á noticia.

No apartado da zona de normativa da web colexial, na súa marxe esquerda, os subscritores do servizo de Normativa, poden acceder á Normativa e acordos de interese publicados no mes de agosto de 2024 no D.O. Galicia, B.O.E, D.O.CC.EE, e nos catro BOP's provinciais, así como en trámite de avaliacións ambientais estratéxicas abertas, e o planeamento urbanístico.
Enlace á noticia.