Este curso/taller, principalmente destinado a profesionais vencellados co mundo da arquitectura, construción e sustentabilidade, ten como obxectivo presentar as claves para mellorar a nosa produtividade e rendemento laboral, centrándose nun emprego eficiente do tempo.
Durante o desenvolvemento do mesmo presentaranse aqueles hábitos que nos permitan organizarnos mellor, focalizar o noso traballo e evitar distraccións. Observaremos as posibilidades que brindan as novas tecnoloxías e repasaremos a importancia de rexeitar o que nos separe dun plan de traballo eficiente.
Enlace á noticia.

Actualizouse a programación do #COAGconta para o segundo semestre do ano [xullo-decembro], coa incorporación dunha nova sesión que terá lugar o 12 de setembro sobre “Criterios de accesibilidade”.
Enlace á noticia.

O obxectivo principal deste curso é proporcionar aos alumnos os coñecementos e criterios prácticos necesarios para o acondicionamento acústico das edificacións. Para iso, desenvolverase tanto a definición proyectual, as solucións construtivas e o cumprimento das esixencias normativas como a execución das solucións e o control da obra executada, tanto en obra nova como en intervencións sobre edificacións existentes, rehabilitación acústica e actividades.
Enlace á noticia.

O mércores 4 de setembro, ás 19:00 horas, inaugúrase a exposición Los Carteles de Felipe Peña na sede coruñesa do Colexio Oficial de Arquitectos de Galicia. Esta mostra poderá visitarse en horario de apertura do COAG até o 4 de novembro.
Recentemente, e coincidindo coas celebracións do 50 aniversario da Escola de Arquitectura de A Coruña (ETSAC), publicouse un libro sobre os carteis que anunciaron as actividades culturais dende o curso 1980/1981 no que a ETSAC tivo edificio propio. Ese libro, editado por Luis Walter Muñoz Fontenla e titulado Actividades culturales a través de su propaganda. Los carteles de Felipe Peña, presentouse na ETSAC a finais de febreiro.
Enlace á noticia.

No BOP-Lugo de 23 de agosto, publícase o Anuncio de Extracto das bases da convocatoria para a contratación dunha/dun arquitecta/o Superior na Empresa Municipal de Vivenda e Solo de Lugo (EVISLUSA), como persoal laboral indefinido e mediante o sistema de Concurso-Oposición.
Enlace á noticia.