Convoca o Ilmo. Concello de Moaña en colaboración coa Delegación do Colexio Oficial de Arquitectos de Galicia en Vigo.

Obxecto: A finalidade do presente concurso é a SELECCIÓN DUNHA PROPOSTA PARA A CONSTRUCCIÓN DA CASA DA CULTURA DE MEIRA NO TÉRMINO MUNICIPAL DE MOAÑA.

Prazo de inscrición: finalizará o día 4 de outubro de 2002.

A solicitude de inscrición se realizará mediante instancia, dirixida ó Sr. Alcalde – Presidente do Ilmo. Concello de Moaña, segundo modelo adxunto, tramitado a través da Delegación do COAG en Vigo.

En dita instancia o solicitante, deberá incluí-lo nome de dous arquitectos, por orde de preferencia, con residencia en Galicia, que se desina como representante dos concursantes no Xurado.

Fíxanse os gastos de inscrición en 40 Euros, a ingresar na Caixa Galicia conta nº 2091 0511 33 3040028719 da Delegación do COAG en Vigo.

Prazo de presentación dos traballos: finaliza o día 4 de decembro de 2002.

Premios:

PRIMEIRO PREMIO: O encargo da redacción do proxecto, básico e de execución en misión completa, podendo se-la dirección de obra compartida, segundo acordo municipal. Para a estimación dos honorarios aplicaranse os vixentes Baremos do COAG, sendo o importe máximo dos mesmos de 74.040 Euros. O encargo do Proxecto se realizará mediante procedemento negociado sen publicidade.

SEGUNDO PREMIO de 1.800 Euros.

ACCÉSITS: Tres Accésits de 900 Euros cada un.

AS BASES DO CONCURSO PODERÁN SER CONSULTADAS NAS DELEGACIÓNS DO COAG. (O resto da documentación será entregada ós concursantes unha vez inscritos).