Categoría

Acta do xurado da Open Call para a selección de proxectos para a súa publicación física e dixital no número 36 de Obradoiro Revista de Arquitectura e Urbanismo de Galicia, 2026.

Composición do xurado:

• D.ª Lucía Millet de Ferrater (Cierto Estudio).
• D. Enrique Arenas Laorga (Arenas Basabe Palacios).
• D. Manuel Bouzas Barcala (Editor de Obradoiro).
• D.ª María Fandiño Iglesias (Editora de Obradoiro).
• D. Roi Salgueiro Barrio (Editor de Obradoiro).
• D.ª Teresa Sánchez Táboas (Editora de Obradoiro).

Actuacións do xurado

Trala finalización do prazo de presentación de propostas o 30 de abril de 2026 ás 23.59 CET, compróbase que á convocatoria pública de proxectos, presentáronse en tempo e forma un total de 40 propostas.

Unha vez finalizado dito prazo, os editores Manuel Bouzas Barcala, María Fandiño Iglesias, Roi Salgueiro Barrio e Teresa Sánchez Táboas, remiten ós restantes membros do xurado a documentación correspondente das 40 obras.

Considerase que estes 40 proxectos responden ó obxectivo: Prospectiva II_Urbanidades, céntrase no estudo das transformacións urbanas que están a redefinir Galicia.

A prioridade recae nos proxectos colectivos capaces de crear espazo común, activar relacións sociais e funcionar como infraestrutura cívica: equipamentos, espazos públicos, conexións ou intervencións que articulen social e territorialmente o seu contorno.

Interesan especialmente obras que establezan unha relación activa co contexto galego: urbano, periurbano ou rural; entendendo a urbanidade como construción do colectivo en múltiples escalas.

Procúrase uma arquitectura que dialogue co territorio e que permita novas formas de apropiación social, reforzando a vida comunitaria en Galicia.

O 21 de maio de 2026, ás 16:00 horas, o xurado reúnese mediante videoconferencia, tras ter estudiado previamente as propostas, co obxectivo de escoller as publicacións do Open Call.

Tódolos membros do Xurado tiveron acceso previo ó contido das propostas presentadas, ó ter recibida a documentación vía Google Drive polo Colexio de Arquitectos de Galicia.

Durante a reunión, o xurado acepta traballar sobre os 40 proxectos recibidos pola convocatoria aberta. Estes propón iniciar o procedemento de selección, consistente nun sistema de discusión e rondas de selección, baseados nos criterios curatoriais definidos na convocatoria da Open Call.

Aceptase realizar unha primeira ronda de selección de 20 traballos. Durante a deliberación recoñécese positivamente a calidade de tódolos traballos presentados, e considerase que algunhas propostas responden de xeito máis adecuado á noción de “Urbanidades” descrita nas bases da Open Call.

Recibidas (40 Propostas)

O xurado, tras unha evaluación pormenorizada de tódalas propostas presentadas, comeza un debate sobre a selección dos proxectos máis alineados co número editorial, quedando como propostas finalistas a ser publicadas en papel por decisión unánime do Xurado as seguintes 12 propostas identificadas polos seus autores:

Selección Final (12 Publicacións en Papel e Dixital)

En concordancia co proxecto editorial presentado no concurso da revista Obradoiro, e ás características do número 36 Urbanidades, acórdase seleccionar 12 proxectos para a súa publicación en papel e dixital.

A data da sinatura electrónica,

Asinado dixitalmente polos membros do xurado:

• Lucía Millet de Ferrater (Cierto Estudio)
• Enrique Arenas Laorga (Arenas Basabe Palacios)
• Manuel Bouzas Barcala (Editor de Obradoiro)
• María Fandiño Iglesias (Editora de Obradoiro)
• Roi Salgueiro Barrio (Editor de Obradoiro)
• Teresa Sánchez Táboas (Editora de Obradoiro)

O vindeiro 14 de xuño de 2026, a Aula Arqueolóxica Antonio Rodríguez Colmenero de Cualedro acollerá “O Ciclo do Lume”, unha iniciativa promovida polo Colectivo Costa Oeste que propón unha reflexión ampla arredor dos incendios forestais, a ecoloxía do lume e a relación entre territorio, comunidade e paisaxe.

O proxecto conta co financiamento da área de Cultura do Colexio Oficial de Arquitectos de Galicia e desenvólvese en colaboración co Concello de Cualedro, a Comunidade de Montes de Cualedro e a Asociación de Veciños de Lucenza.

“O Ciclo do Lume” nace coa vontade de abrir un espazo de aprendizaxe, debate e acción arredor dos conflitos ambientais e sociais xerados polos incendios forestais. Ao longo da xornada abordarase a problemática dos incendios forestais desde diferentes disciplinas como a ecoloxía do lume, o desenvolvemento territorial, a fotografía, a veracidade científica, a ciencia cidadá e a educación ambiental, combinando coñecemento científico, experiencias de participación comunitaria e ferramentas de reflexión sobre o territorio.

A iniciativa busca analizar as causas estruturais dos megaincendios, dar visibilidade a modelos de restauración ecolóxica e xestión comunitaria do monte e fomentar unha mirada crítica sobre os desafíos ambientais que afectan ás paisaxes rurais galegas. Ao mesmo tempo, reivindica o papel da arquitectura e da planificación territorial fronte aos efectos do cambio climático.

Entre as persoas relatoras participantes atópanse Fran García, de Territorio Raso, quen abordará a paisaxe galega en mosaico; Iván Pérez, de SaviaNova, cun relatorio centrado na ecoloxía do lume; o fotógrafo Brais Lorenzo, que presentará o proxecto “Terra Queimada”; e Ramsés Pérez, de ADEGA, quen falará sobre voluntariado e accións para a recuperación ambiental.

A programación completarase con dúas visitas de campo dedicadas ás boas prácticas na custodia do territorio, coa participación da Comunidade de Montes de Cualedro e da Asociación de Veciños de Lucenza, que compartirán experiencias locais de prevención e xestión sostible do monte.

As actividades están dirixidas tanto á poboación local como a persoas interesadas na ecoloxía, a arquitectura, a paisaxe e a xestión territorial. A organización aposta ademais por un formato próximo e participativo, cun grupo reducido de asistentes para favorecer o intercambio de experiencias e o diálogo entre participantes, polo que as prazas serán limitadas.

O prazo de inscrición xa está aberto e será imprescindible realizar inscrición previa mediante mensaxe directa ou a través do correo electrónico

informacion.costaoeste@gmail.com.

[+Formulario de inscrición]

Programa

Domingo 14 de xuño

Relatorios

• 11:00 h | A paisaxe galega en mosaico — Fran García (Territorio Raso) • 11:30 h | A ecoloxía do lume — Iván Pérez (SaviaNova)
• 12:00 h | Pausa café
• 12:30 h | Terra Queimada — Brais Lorenzo
• 13:00 h | Voluntariado e accións para a recuperación — Ramsés Pérez (ADEGA)

14:00 h | Xantar

Boas prácticas na custodia do territorio (visita de campo)

• 16:00 h | Bosque Celta. Plan estratéxico do monte comunal — Comunidade de Montes de Cualedro
• 17:30 h | Chairas e A Veiga: estratexias de prevención — Asociación de Veciños de Lucenza