O COAG presentou un escrito de alegacións no concello de Bóveda solicitando a desestimación do recurso interposto polo Colexio de Enxeñeiros de Camiños Canais e Portos en impugnación da licitación do contrato de servizos de consultoría urbanística, redacción de proxectos técnicos e dirección de obras

0
Posted by / 13 junio 2017 / Categories: Alegacións, COAGactua / 0 Comments

O concello de Bóveda está a licitar o contrato de servizos de consultoría urbanística, redacción de proxectos técnicos e dirección de obras. O Colexio Oficial de Enxeñeiros de Camiños, Canais e Portos de Galicia ten presentado un recurso de reposición impugnando os pregos de cláusulas administrativas e técnicas que rexen a licitación motivado pola esixencia dentro dos requisitos de solvencia técnica de contar coa titulación de Arquitecto e que “la exclusión de la titulación de Ingeniero de Caminos, Canales y Puertos, para poder concurrir a la licitación vulnera la legalidad”.

O concello de Bóveda considerando a este Colexio Oficial de Arquitectos de Galicia como interesado, dános traslado do devandito recurso, conferindo prazo ao efecto de presentar alegacións.

É por iso que o COAG (como xa fixo na licitación dun contrato de características similares realizada polo concello de A Guarda) en defensa dos intereses e das lexítimas competencias da profesión de Arquitecto, presentou un escrito de alegacións solicitando a desestimación do recurso do Colexio de Enxeñeiros de Camiños, Canais e Porto. O COAG considera que nesta licitación, á vista das concretas funcións a desenvolver en execución do contrato, quen reúne a plenitude de competencias e a idoneidade formativa, polos seus coñecementos e especialidade, son, sen dúbida os Arquitectos. En opinión do COAG non pode esquecerse que, aínda que os Enxeñeiros de Camiños teñan recoñecidas competencias en materia de urbanismo, a súa especialidade está relacionada coas infraestruturas e non coa edificación. Á vista do obxecto do contrato e as prestacións e funcións que inclúe, e sobre a base do principio xurisprudencial do Tribunal Supremo do “técnico competente” e de “liberdade con idoneidade” o COAG entende que podemos afirmar que os Arquitectos, polos seus coñecementos e especialidade, son os profesionais que necesariamente han de intervir en algunhas importantes funcións incluídas no obxecto do contrato e polo tanto os únicos técnicos competentes para a execución da totalidade das funcións sen limitación, polo que á solvencia técnica requirida é conforme á legalidade, proporcionada e vinculada ao obxecto do contrato.

 Arquivos:

About the author

Deja un comentario

Tu dirección de correo electrónico no será publicada. Los campos obligatorios están marcados con *

Información sobre protección de datos

​Responsable: Colexio Oficial de Arquitectos de Galicia. Finalidad: Controlar spam, gestión de comentarios.Legitimación: Consentimiento del interesado/a. Destinatarios: Se comunicarán los datos a los destinatarios legalmente previstos y a encargados del tratamento del COAG. Derechos: Tiene derecho a acceder, rectificar o suprimir los datos, así como otros derechos, como se explica en la información adicional. Información adicional: Puede consultar la información adicional y detallada sobre Protección de Datos en

http://www.coag.es/tratamentodatos/?id=1&lang=es

Nuestra política de privacidad está disponible en: http://portal.coag.es/aviso-legal

Visit Us On FacebookVisit Us On TwitterVisit Us On Instagram