Abalo Alonso arquitectos
É posible que as cabanas entre as árbores estivesen na orixe do proxecto. Pode que os nosos hórreos tamén. Botamos de menos eses momentos de xogos infantís. A propia configuración do terreo acompáñanos; no medio do parque, illados, entre árbores, terreo en pendente… Continuar lendo →
Guadalupe Piñera Manso
Deambular, vivir, capturar momentos. Unha serie de preexistencias, os restos pétreos dunha antiga construción agrícola tradicional, unha mesa baixo a frondosa glicinia que acolleu comidas e reunións familiares durante moitos anos e a piscina próxima, convértense en orixe e trama que desenvolve un espazo construído como lugar de vida. Continuar lendo →
Alfredo Garrote+Carlos Seoane
O proxecto da Praza de Sofán, nace da necesidade de ampliar o campo de festas da parroquia engadindo á superficie do adro da igrexa, un terreo lindante adquirido polo Concello de Carballo e os propios veciños. Nese ámbito encóntranse unha serie de elementos de importante valor patrimonial como son a igrexa neoclásica de San Salvador, un cruceiro do século XVII e a “horta do cura”, anexa á casa reitoral de escaso valor. Todo este conxunto localízase nun ámbito rural de importante valor paisaxístico. Continuar lendo →
Severo Rodríguez Somoza
O programa de necesidades, sinalado pola propiedade, era a rehabilitación dunha vivenda unifamiliar para “poder morrer nela”, dispoñendo as dependencias de uso diúrno na planta baixa e en planta baixocuberta os dormitorios. Continuar lendo →
José Luis Gil Pita
Trátase dun proxecto de rehabilitación dunha vivenda tradicional, que trata de resolver en planta e sección os diferentes usos dun programa de vivenda contemporánea en diálogo coa estrutura orixinal espacial, de forma que se produza un enlace lóxico entre contedor tradicional e novo contido. Tamén a lóxica de intentar conseguir unha orde ou secuencia de funcionamento entre as partes de día e de noite, dos espazos de maior frecuencia de paso e os máis estáticos, todo iso ligado e sometido ao cumprimento estrito das condicións de habitabilidade que indica a normativa.
Continuar lendo →
Aurora García Vicente
Organización, proporción, integración e relación do proxecto coa paisaxe do lugar son as pautas deste proxecto. Resólvese o acceso á edificación a través dun claro e contrastado xogo de volumes e sombras que enmarcan, o que proclamo e sempre defendín como unha cuestión clave, “o acceso” (como se produce e se resolve este). A partir de aquí, xurde o construído; distintos volumes, usos diferenciados e outros espazos intersticiais (patios) que focalizan os sucesivos espazos que se van xerando. Imos por bo camiño. Continuar lendo →
Daniel López+Pablo Noya
12 vivendas agrupadas en dúas fileiras, pegadas mediante a peza central do garaxe que permite gañar en intimidade a cada vivenda, unifica o conxunto e lle resta peso á composición total. Continuar lendo →
Jesús Conde García
Trátase dunha “casiña” nunha parcela estreita con 4,50m libres entre os muros medianeiros, e 6,70m libres entre fachadas; cara atrás a vivenda conta cun pequeno patio. Continuar lendo →
ARKB – arrokabe arquitectos
A actuación é a rehabilitación e o acondicionamento exterior para Centro de recursos para persoas con discapacidade dun conxunto edificatorio conformado por unha serie de construcións tradicionais e a parcela na que se atopan. A parcela sitúase na parroquia de Medelo, en solo rústico, no termo municipal de Silleda, provincia de Pontevedra. No ano 2007 foi cedida polo Concello á Confederación Galega de Persoas con Discapacidade (COGAMI) para a construción das instalacións e xestión das actividades do centro. Continuar lendo →
Alfonso Peiteado Carpinteiro
O obxectivo do proxecto é a construción dun centro de visitantes para o Castro Cidá de Borneiro, en Cabana de Bergantiños. Entendo o castro como un feito imaxinario, feito que conleva a necesidade de aproximación para poñerse en contacto con el, necesidade de evasión, illamento… distancia en definitiva. Preparación do visitante mentres percorre o camiño, mentres anda. O percorrido persegue mediar unha relación, reservando o tempo necesario para o encontro do home coa súa historia. Continuar lendo →
Comentarios recientes